Fundashon Nos Kier Boneiru Bek ta anunsia orguyosamente ku e “Evaluashon di sufisiensia di propio-gobernashon den konformidat ku standartnan rekonose internashonalmente .Un pabien grandi ta bai na e pueblo Boneriano ku e gran logro aki.
Nos ta agredisido pa presensia e fruta di nos labor despues di dos anja basta largu ku varios aktividatnan di fundraising, asina tantu hende ku a partisipa, asina tantu esfuerzo di asina tantu hende. Kolektando 1 dollar, 2 dollar, 50 dollar, 100 dollar I mas den dos anja di kolekshon tabata un tarea desalentador. E logro aki aki no tabata uno fasil pa realisa pero den tur e momentonan skur nos nunka a perde speranza. Entrega nunka tabata un opshon pa nos.
Fundashon Nos Ke Boneiru Bek tin e honor pa komparti e momento historiko aki ku e pueblo di Bonaire- ‘E lansamentu offisial di e Bonaire Self-Governance Assessment 2020” NKBB a kibra bareranan ya ku ta pa di prome biaha ku e grupo eksperto ku a traha e assessment a wordu kontrata pa un organsisashon siviko sivil manera NKBB, tur anterior tabata pa gobiernonan.
E dokumento, evaluashon, investigashon a kosta 30 mil dollar pa gran parti a wordu rekauda na Bonaire pero tambe parti na Korsou I Aruba, for di suidadanonan. Un esfuerzo di pueblo pa pueblo.
E evaluashon aki, ku tabata un di e dokumentonan prinsipal pa e re-listing eksitoso di e islanan di Polynesia Franses na 2013, lo prepara e kaminda pa re-inskripshon di Boneiru riba e lista di Teritorionan-Sin-propio-Gobernashon di Nashonan Uni.
Nos ta invita e pueblo Boneriano pa diabiernes awor pa mitar di tres di merdia pa sigui e akto aki live via nos facebook : Kierboneirubek kaminda tambe nos lo presenta e komishon ehekutivo ku lo ta enkarga pa kanalisa e proseso pa pone Boneiru riba e lista di Teritorionan-Sin-Propio-Gobernashon di Nashonan Uni pa un miho Bonaire.
