Un lucha legal andando pa algun tempo caba entre dos partner a yega na un decision final. E homber Venezolano Jairo Alejandro Ortega Carvajal cu su mente sushi y coruptivo kier a purba saca placa di un comerciante local y a cuminsa contra e companianan di Z , pa trata di saca placa. Sinembargo corte no a cay pa su manipulacion.
Pero e caso cu el a cuminsa personalmente contra doño di e compania corte a rechase y a bay solamente riba e parti di e companianan.
Ta trata di un caso andando di aña 2019 ora cu e companianan local a drenta den un acuerdo pa construi un edificio cu 14 apartamento.
E companianan local a cumpli cu tur e rekisitonan y a firma tur documento. Ortega sinembargo despues di a haci un prome pago cu no tabata completo tampoco no a cumpli cu e resto di pagonan y palabracionnan cu e contracto.
Na momento di tratamento a bini dilanti un punto cardinal den e caso aki ta cual di e partidonan envolvi tin tin e derecho legal pa pidi ontbinding di e acuerdo. Y na final hues a bisa cu e compania local di e empresario Z. tabatin motibo pa haci peticion pa no sigui ehecucion di e acuerdo.
E homber Jairo Ortega tabata esun cu for di cuminsamento no a cumpli. A haci un pago parcial pero no a haci nada pa e proyecto por sigui. E mester a finalisa e proyecto y 13 di apartamentonan (e penthouse no) lo a pasa p’e, pero e no a cumpli cu esaki, pero si ta exigi di otro banda unda cu e no tin derecho riba dje na momento cu no ta cumpli. Esaki ta e mentalidad Coruptivo di e Venezolano aki.
Ta trata di un proyecto di compleho di apartamento mas un otro edificio na banda. E construccion a cuminsa y e pensamento na final tabata pa dividi esaki y bende nan separa. E construccion tabata basta avansa, cu hipotecanan cu e empresario a haya for di dos banco local.
E comerciante Jairo Ortega a bay hunga sabi y a dicidi di pone beslag riba e tereno, algo cu e companianan local no a acepta y a yega te na Hof cu e peticion pa kita e beslag y e peticion ey a keda honra.
Despues cu Ortega a perde caba den prome instancia su demanda pa un compensacion di 1.8 miyon florin, unda supuestamente e ta reclama cu lo a inverti den e proyecto .Pero e puntonan aki Hof a desbarata y ta mira claramente cu Ortega kier hunga un rol di manipulacion y gaña riba su ex partner.
Tur cos ta mustra cu el a bay hunga un wega, pero e empresario local tabatin tur cos legalmente regla y poni riba papel.
Hues den su sentencia cu despues di firmamento di un acuerdo, Ortega no a cumpli cu su deber di pago. Y a paga solamente un parti di e suma cu e mester a cumpli cune. P’esey por bisa cu desde october 2018 caba Jairo Ortega a faya pa cumpli. Pa e motibo aki e otro companianan envolvi tabatin tur derecho pa pidi pa anula e acuerdo.
Ortega a purba di hunga wega di bay corte pa schors e obligacionnan cu e tin den e acuerdo y djey a bira pone beslag.
El a uza yen di excuus pa pidi pa pospone su obligacion. A bisa cu no a dun’e suficiente informacion riba e proyecto, cu tabata menos avansa di loke el a pensa. Cu e otro partido no a informa cu un dia prome cu a firma e acuerdo, e pone un hipoteca di casi 1 miyon florin riba e propiedad. Y cu tampoco a informe cu e condicionnan di erfpacht no ta dune autoridad pa traspaso di e tereno sino te tres aña despues cu finalisa e construccion y cu mester di permiso di minister. Cu e splitsing di e propiedad pa apartamento no a tuma luga ainda momento cu a firma e acuerdo, mientras cu for di e acuerdo por deduci cu esaki a tuma luga caba.
Pero Hof a mustra e homber aki cu den e dossier di e caso tin un mapa geel cual ta contene TUR documento di e proyecto, tur decision tuma, tur peticion haci y tambe e documentonan di hipoteca cu tin riba e parcela. E no por haci nada otro cu admiti cu el a haya e mapa. Pero a bira uza otro excuus pa saca su curpa afo.
Hof ta bisa cu contrario na loke corte di prome instancia a conclui, Hof si ta mira cu e mapa ta contene e documentonan necesario. Ademas, si nan no tur documento tey, esunnan necesario si tabata den e mapanan y e testigonan, na momento di firmamento, a bisa cu Ortega a repasa henter e acuerdo y tur e documentonan agrega. Ademas, el a parafeer tur blachi den e acuerdo.
Di e forma ey e NV-nan di e empresario Z., a cumpli pa duna informacion riba e situacion di e proyecto y e condicionnan den e permiso di erfpacht. Mirando cu e no a lesa e mapanan completo, esey ta e riesgo cu e mes a tuma.
Tambe den e map, Hof a bisa, ta contene un taxatierapport den cual ta bisa cu e proyecto ta 65% cla. Hues tabata asombra cu e actitud di Ortega pa motibo cu e tabatin un compania di construccion na Aruba y e mester por a mira con leu e proyecto ta. Pues e no por bin bisa cu e no sa estado di e proyecto.
Niun momento a palabra cu e tereno ta bay wordo traspaso pa Orega, pero si cu e lo caba di construi e apartamentonan y cu 13 derecho di apartamento ta wordo traspasa p’e.
Pa e spitsing tabatin permiso di minister y tur cos a bay Notario caba pero no a traha e acta pasobra Ortega mes no a paga e Notario. Ortega kier e proyecto y apartamentonan pero e no kier cumpli cu e pago di e proyecto pero kier pa e proyecto bay riba su nomber prome cu e paga. Di e manera aki na Aruba no ta haci negoshi, si na Venezuela esey ta e caso aki na Aruba no ta e caso.
Na final Hof a conclui cu Ortega a faya. Lesando henter e acuerdo, e prome cu mester a cumpli tabata Ortega, cu pago di e suma di compra pa e sharesnan den e termino palabra. Pero e no a hacie. Pues pa dia 7 di oktober 2018 el a faya caba cu ta motibo pa e compania concerni pidi pa pospone su obligacionnan den e Acuerdo.
E ontbinding di e Acuerdo ta trece cu ne cu a base di e prestacionnan haci, a base di e palabracion, mester wordo anula. A tuma nota cu Ortega a debolbe e sharenan den Z y compania. Esaki ta nifica cu Z y compania mester paga Ortega bek e suma di un poco mas di mey miyon florin, loke el a paga Z y compania inicialmente como parti di e suma di compra. Sinembargo hof no a bay diacuerdo cu esaki pa paga ortega bek, debi cu Ortega mester paga un boet di mey miyon dollar na Z y compania y ta pone cu Z y compania por desconta e placa aki bek y no paga Ortega debi cu e debe Z y compania pa no cumpli. Actualmente Ortega tin un boete clausula di 500 mil dollar y Z y compania por desconta e suma menciona y na momento cu desconta e suma ainda Ortega ta keda debe 300 mil florin di e boet cu e tin conforme e contract na Z y compania.
Tampoco Hof a bay di acuerdo cu e demanda di Ortega pa page e suma di 1.8 florin pa gastonan di inversionnan cu supuestamente e la haci den e proyecto
A bisa cu e construccion haci te na momento cu a firma e acuerdo entre e diferente companianan, a wordo realisa door di e constructor Jamer, cu a stop di traha ora cu Ortega no a paga nada (Februari 2019). Hof ta duda cu den un luna di tempo cu Ortega a tuma over, e por a gasta casi 1,8 miyon florin na gasto di construccion ya cu e mes a declara cu e la stop cu construccion rond maart 2019. Y e no a presenta prueba tampoco.
Ortega a perde y riba dje mester paga un suma di 60 mil florin, cu ta gasto di abogado di e otro partidonan envolvi.
Consecuentemente Ortega a perde su caso den prome instancia y Hoogeberoep awor Z y su companianan lo cuminsa un caso di daño y perhuicio cu ta core alrededor di 3 miyon florin. No obstante cu hues a sentencia Ortega caba pa paga e boet conforme e contract.
Ortega ta cana gaña comerciantenan local y internacional pa e haya placa y ta haci hopi daño y den e caso aki e la causa hopi daño na momento cu e ta pretende di ta hunga e rol di wrong and strong.
No ta prome biaha cu Ortega a purba dal hende cabes abou na Aruba. Segun informacionnan ricibi, e tabata envolvi den e proyecto di Algas na e tereno di refineria y no a cumpli cu esaki pero si Land Aruba a paga Ortega e placa sin cu e la cumpli cu Aruba.
El a haya pago pero nunca a realisa nada di e proyecto aki. Mester mira awo ta cuanto hende mas el a gaña. Na mes momento esaki ta e tipo di Venezolanonan cu gobierno ta haci contract cu nan y ta chupa e Pais hopi placa sin cumpli cu e dicho proyectonan y na mes momento tipo di Venezolanonan asina aki ta daña pa otro cu si ta comporta nan mes y ta haci negoshi nan serio , pero ta e tipo di comerciante nan aki gobierno ta duna permiso sabiendo e fechoria cu nan ta haci den RDA y tog ta sinta cu nan y ta haci negoshi cu nan y ta duna nan permiso tambe, pa nan y henter nan famia. Awo e pregunta ta keda tipo di persona asina gobierno ta apoya pa sigui masacra PAIS ARUBA ?
Si ta asina pa ken realmente e minister concerni e ora ta traha pa PAIS Aruba of pa su beneficio ? mirando e desaroyonan tumando luga di legalisa inmigrantenan cu ya caba a trapa riba ley di PAIS Aruba y tog ta busca un hanchi pa drecha caminda y pone tapijt cora siendo cu a comete un mal echo cu PAIS Aruba.
Tanto bal ta grita ta stima Aruba na boca pafo , pero e echonan ta papia otro y cada un di nos ta biba e realidad y consecuencia riba mal decisionnan tuma den no apoya nos hendenan na Aruba pa bay padilanti , pero otro nan cu ta bin di afo si pa chupa e pida baranca aki y na momento cu nos yiunan mester bin bek ya no tin nada pa nan mas.
Lamentablemente den oficina di e minister di labor y di DIMAS tin hopi holo straño ta sali unda cu tras di cortina hopi movecionnan cu stranheronan legal y ilegal ta tuma luga y unda cu hasta ex trahadonan den e oficina ta cobra salario directo di GTS cu e mes un Venezolano aki Jairo Alejandro Ortega Carvajal ta doño di dje y ta comete diferente fechoria rond di nos isla.
Awe e berdad ta sali unda cu cada un cu ta kere un Venezolano y of inmigrante gañado y manipulado riba un yiu di tera cu tin su PAIS na curason . Esaki ta e gran muestra cu cada politico cu ta kere den un imigrante mas cu un local NO STIMA SU PAIS aunke e ta grita cu boca grandi mi stima mi PAIS.