Diamars ultimo Comisionado di Sasba pa Asuntonan di Cultura Rolando Wilson a ricibi un team di investigadonan científico trahando na Saba Heritage Center pa discuti e posibel impacto di loke nan a descubri den nan investigacion.
Saba Heritage Center ta anfitrion di diferente miembronan di e programa di investigacion Helm, cu ta enfoca riba adaptacion social pa cu e retonan climatico den Caribe Hulandes.
E proyecto aki ta wordo apoya door di Nederlandse Organisatie voor Wetenschappelijke Onderzoek (NWO) den colaboracion cu Universidad di Sint Maarten (USM) y varios instituto y stakeholdernan den Reino y Caribe.
Durante e siguiente cinco añanan, e team Caribense Europeo lo inclui antropologo, arkeologo, ethonobotanista, climatologo, ingenieronan y expertonan di derechonan humano y cientificonan politico. Nan ta spera di por traha den investigacion creativo cu agencianan gubernamental, NGO-nan y mas cu tur cu comunidadnan local pa desaroya solucionnan sostenibel pa e retonan cu e isleñonan ta enfrenta den contexto di cambionan climatologico.
E team bishitantenan a analisa pasado di e isla ora cu e prome habitantenan a establece nan mes den e areanan di Plum Piece, Old Booby Hill, Black Rock y Fort Bay Ridge rond di 3,800 aña pasa y den e siglonan cua sigui ora cu e isla a bira mas pobla.
A investiga con e clima a cambia den transcurso di tempo. Con e prome habitantenan a adapta nan mes y nan reacciona riba e horcannan devastador y secura extremo. Con nan tabata construi nan casnan y con nan ta haya awa; kico e prome habitantenan di Saba tabata come y con/ kico nan tabata planta. Ki conocemento por haya for di pasado y presente pa ta miho ekipa pa e retonan di futuro.
Saba Heritage Center kier documenta y archivo e herencia unico di e isla y preserva e storianan di e islanan pa generacionnan cu ta bini.
Dia 7 di april den oranan di atardi e investigadonan lo presenta e resultado di nan investigacion na publico en general den un evento cu lo tuma luga na Heritage Center.