Minister di Salubridat Hulandes Hugo de Jonge a splika den un karta pa Tweede Kamer Hulandes ku Hulanda a bai di akuerdo ku islanan den Reinu tambe ta kontá den e kantidat di bakunanan ku Hulanda lo risibi. Na e momentunan aki huntu ku representantenan di islanan BES I CAS ta hasiendo un inventario pa determina kiko ta e nesesidat, gruponan di prioridat i kantidat ku mester pa por hinka un kampaña di bakunashon efektivo den otro.
E Komishon di Salubridat, riba petishon di e islanan, ta spera ku pa desember e informashon aki ta kla, espeshalmente e parti di logístika ku ta un parti importante di e preparashonnan.
Tambe a akordá ku e islanan mes lo ta responsabel pa warda i destribui e bakunanan. Ta spera ku den transkurso di januari 2021 por kuminsa manda bakunanan pa e islanan.
Mirando ku den e periodo inisial aki lo no tin hopi bakuna disponibel Gabinete Hulandes lo disidi kua ta e gruponan na Europa i Karibe ku ta kumpli ku e kriteria pa risibi e bakuna prome.
