Pa Ishahier Monte hende i su famia den bario ta importante i tur hende meresé di krese den bida. Pa e motibu ei Ishahier Monte su meta transformá nos komunidat pa medio di kurso nan den bario, kaminda habitante nan por haña oportunidat pa siña diferente training di fishi pa asina por amplia nan konosementu i tambe krea algu di hasi den e tempu difísil aki.
Ishahier Monte su meta tambe ta pa siña e hende kon pa sali pa su mes i para riba su mes pia. E kursonan ku suskrito tabata duna den diferente bario lo kontinuá i esaki basa riba loke e bario mes ta deseá, den e kaso aki lo kuminsá ku kursonan den area di Banda Ariba i tambe den e area di Banda Abou.
Suskrito lo krea e posibilidat pa diferente hende por haña diferente tipo di kurso. Tin kurso di entre otro plantashon, kushiná i hopi mas.
Keda pendiente debí ku pronto nos lo informá bosnan di, orario, fecha i sitio kaminda e kursonan lo tuma lugá.
