Djaluna dos dia di Pasku di Resurekshon dia 10 di aprel 2023 Parokia San Luis Beltran ta selebrá e kustumber Simadan di Pastó. E dia ta kuminsá ku un Santa Eukaristia pa 9or di mainta. Despues di misa ta kuminsá bende kuminda i diferente kos di komei bebe. E simadan ta sali 4:30or di atardi na Plenchi Nolly Celestijni ta pasa den kayanan di Rincon. Despues di yegada di simadan na misa e selebrashon ta sigui ku presentashon di diferente grupo musikal. Lo tin diferente stènt. Pader Ivan ta invitá pueblo di Boneiru pa bin selebrá huntu ku parokia di Rincon Simadan di Pastó 2023, kuminsando for di mainta ku Santa Eukaristia gradisiendo Dios pa tur kosecha risibí riba tur áreanan di bida, kosecha di kunuku, trabou, familiar i spiritual. I den oranan di atardi kue anochi por bin wapa simadan riba ritmo di nos agrupashonnan musikal. Pader Ivan ta konbidá tur grupo di folklor pa bin engrandesé e simandan den kayanan di Rincon. Gruponan di folklor por tuma kontakto ku LendonLeito ku ta kordiná e marcha di simadan.
Simadan di Pastó tin komo meta pa rekoudá fondo pa mantenshon di e edifisio di parokia di Rincon i tur ku kier koperá por hasi esaki. Por tuma kontakto ku sra. Dorothy Cicilia i sra. Ada Albertus. E aña aki simadan di Pastó ta dediká na sra. Flora Piar.
Deseando un i tur un bon Pasku di resurekshon, Hesus Resusitá bendishoná un i tur!
Programa Simadan di Pastó10 di aprel 2023
9:00or Santa Eukaristia
11:00or Bendementu kuminda i diferente kos di boka dushi
12:00-17:00or Dj
17:00-23:00or Presentashon di diferente agrupashon musikal
Boso sirbidó den Kristu Hesus
Pastor Ivan Dario Pérez Gómez
