Na cas di cultura ta bay tuma luga un evento special “Memoria Ancestral” un obra cu a cuminsa traha riba dje 9 luna atras pa cu e aña di conmemoracion di abolicion di sclavitud. Segun director di cas di cultura Vicky Atends e obra di arte aki ta un proyecto cu e keda dedica na dje cu hopi amor pa asina pone nos descendencia, ancestronan den luz y riba e echo di e momento di abolicion y sclavitud a tuma luga a haci investigacion.
Manera nos sa 20% di nos poblacion tabata sclavisa y esaki ta pone cu Aruba tin e herencia aki den nos sanger. Banda di esaki nos sa tambe cu Aruba ta un pais multicultural y ta un pueblo cu e keda influencia door di hopi angulo di mundo. Pesey mes e proyecto aki di “Memoria Ancestral” ta habri e dialogo pa pensa un poco mas di unda nos ta bin y pa ta mas cla pa asina formula un poco mas di unda nos ta bay pa Aruba por para hopi mas fuerte den su sapato.
Natusha Croes ta e lider di e proyecto y e ta un artista multidiciplinario y contemporaneo unda cu a haci varios investigacion cu varios constitucion di Aruba manera archivo nacional, biblioteca nacional , fundacion museo arubano, museo arkeologico unda cu tur ta partner den e proyecto di “Memoria Ancestral” y hunto a traha riba e proyecto pa asina averigua con Aruba ta hinca de otro pa cu e temponan colonialismo, por bisa sclavitud como un producto colonialismo y asina a pone loke cu e investiga den un serie di documentario cu ta entrevistanan cu lo por mustra cu diferente angulo y diferente personanan cu ta papiando riba e topico, pero tambe lo ta bya tin diferente shownan live cu lo tuma luga durante di e presentacion. E show lo ilustra e liberdad y enfoca pa ban ta hunto pa medio di musica pa un futuro mas empodera y laga e pasado atras pa un miho futuro hunto.
Director di cas di Cultura Vicky Arends ta duna di conoce cu tin dos anochi free ainda pa fundacionnan, scolnandi 5de klas te cu middelbare school . Tambe tin un prijs special pa pensionadonan cu ta 2 y 5 di juli y pa e presentacionnan general ta bende carchi na Pay.aw, plazaboekshop y cas di cultura cu ta 25 florin pa e anochinan di dia 5 y 6 di juli proximo.
Ban apoya un produccion local, nacional cu hopi historia di nos mes poni den un manera hopi artistico y bunita pa nos como Arubiano tin e sentimento di orguyo di ken nos ta.