Awe 26 di september 2023 ta cuminsa un investigacion di medio ambiente na empresanan na Boneiro. E investigacion ta identifica e medidanan i disposishonnan di medio ambiente cu empresanan a tuma pa reduci of elimina e chens pa efectonan negativo di contaminacion di medio ambiente.
E inspectornan di medio ambiente di Servicio Ambiental Hulanda (omgevingsdiensten Nederland) i di Directorado di Supervision i Mantencion di Lei ta ehecuta e investigacion aki. E investigacion ta un actualisacion di investigacionnan anterior cu a tuma luga.
Regulashon
Actividadnan empresarial por tin consecuencia pa medio ambiente. Pensa riba desperdicio, awa sushi, zonido of trahamento cu substancia cu ta dañino pa e bisindario. Pa reduci e efectonan aki, tin mester di regla di medio ambiente. E reglanan di medio ambiente aki ta formula den e decreto di Establecimento i Actividad BES (Inrichtingen en activiteiten besluit BES – IAB BES). Segun expectativa e regulacion ta drenta na vigor dia 1 di januari 2024. Den e regulacion tin disposicion di medio ambiente of medida.
Esakinan ta por ehempel:
un operacion empresarial limpi i ordena (good housekeeping)
un tanki séptiko pa awa sushi si no tin conexion riba kloaka
un baki pa fango likido dañino cu ta lèk
dispone di un instalacion pa separa vèt den cushina pa proteha e kloaka i e purificacion di awa sushi contra deposito di vèt
E reglanan ta den e concepto di Areglo di Establecimento i Actividad BES i ta elabora nan mas aleu den un ordenansa insular decreto di Establecimento i Actividad BES Boneiro.
E investigacion di medio ambiente
E investigacion di medio ambiente ta identifica cua ta e disposishonnan i medidanan cu empresanan a tuma caba. Esaki ta duna un miho bista di cua ta e inversionnan cu ainda mester haci pa por cumpli cu e reglanan di e Decreto di Establecimento i Actividad BES. E investigacion lo dura en total mas of menos 8 siman.
