Presidente di Comerciante Uni Aruba (CUA) Frans Ponson den conferencia di prensa ta elabora riba e topico di taxi cu ta hopi den media ultimamente. Comerciante Uni Aruba a bay riba e situacion un tiki mas di cerca riba full e topico di taxi. Si mester wak full e 20 aña nan aki e mundo a modernisa den un escala grandi tur cos ta e telefon y tur cos ta e tecnologia rond di nos. Na Aruba principalmente esunnan cu a bay vakantie den exterior tin un Uber den na telefon. Esaki ta pone cu nos tur sa y ta compronde e funcion di un Uber.
Sinembargo na Aruba hopi aña Uber ta un discusion di e taxistanan, pero Presidente di Comerciante Uni Aruba (CUA) Frans Ponson kier trece nan vision y puntonan padilanti. Taxistanan mester por compronde full e proceso di Uber, Segun Presidente di Comerciante Uni Aruba (CUA) Frans Ponson nan ta kere cu e taxistanan ta contra di un Uber paso nan ta pensa cu nan ta bay atras, sinembargo esaki no ta cuadra cu berdad.
Si mester mira e desaroyo di Uber hopi aña pasa na Hulanda a saca un documento unda cu ta bisa cu na momento cu cuminsa cu e Uber e ta bay cuminsa slow , pero na momento cu haya hopi drive ta mira e fruto di esaki. Na e momentonan aki na Aruba un turista tin cu warda hopi prome pa un taxi , pero na mes momento tambe tin taxistanan ta warda oranan largo pa por haya un turista pa nan por haya un careda. Sinembargo na momento cu e Uber keda presenta y keda uza asina hopi na Aruba ora un taxi hiba un hende eynan mes e taxi por haya un otro turista pa hiba , esaki kiermen cu e orario cu e taxi tin un hende den auto ta 45 min den un ora cu ta coriendo cu un turista versus 28 min cu e tabata 4 aña pasa tabata sosode. Presidente di Comerciante Uni Aruba (CUA) Frans Ponson kier propone na e taxistanan y gobierno den nan proximo meeting pa nan bin cu un Uber cu ta solamente pa e taxistanan y no pa henter e pueblo.
Pa bo por ta un Uber bo mester tin un permiso di taxi, dus mester tin un A number di Auto, permiso di taxi y cu ta e taxistanan so por core Uber y no ta habri esaki pa full e pueblo. Cu esaki no ta mira e motibo cu ta mantene un comunidad completo cu ta hostina y no modernisa y bay den e direccion di Uber pa e taxistanan so. E berdad ta cu nos tur kier modernisa pero no ta haci esaki. Aruba tin alrededor di 400 taxista cu por pone tur 400 den e App di Uber.
Importante den henter e proceso aki ta e beneficionan pa e taxistanan. E beneficionan ta cu na final di dia e taxista ta bay gana mas placa, e beneficio pa e pueblo ta hopi bon, e pueblo por usa esaki mas eficiente tambe, anochi si un hende ta burachi e por yama un Uber bin buske. Sinembargo awendia si mester yama un taxista den oranan di anochi no ta haya esaki, e scenarionan aki no por nos ta den aña 2024, segun Presidente di Comerciante Uni Aruba (CUA) Frans Ponson.
Na momento cu un taxista tin un permiso y ta core Uber esey no kiermen cu e no por core su taxi regular , den e caso aki e taxista tin tur dos opcion e por dicidi si e kier core Uber of taxista ta su permiso di dje e ta. Te na e momentonan aki no tin un contesta dicon taxistanan ta haya cu Uber ta malo siendo cu e ta bon pa e taxistanan. Kico ta e motibo y un misterio dicon Uber pa nan parecer no ta bon y nan no ta desea pa Uber bin. Na mes momento ora cu introduci Uber gobierno tambe ta contento tin control y placa ta drenta den caha di gobierno.
Actualmenta Presidente di Comerciante Uni Aruba (CUA) Frans Ponson no ta compronde dicon ta asina contra pa bin cu algo moderno pa e pueblo unda cu nos tur por haci uzo di dje.
