Interval International, un proveedor lider na nivel mundal di servicionan di vacacion, a anuncia renobacion di un relacion di largo plaso cu Divi Caribbean Club, Ltd., operador di un di e cartera di resort di propiedad comparti mas grandi den Caribe. E acuerdo di varios añanan ta inclui siete resort na Aruba, Barbados, Bonaire, y St. Maarten.
Como parti di e acuerdo aki, Interval ta brindando un pakete amplio di servicionan personalisa, incluyendo sosten na club, servicionan di reservacion, y intercambio basa riba punto. Miembronan di Divi Vacation Club lo ricibi e beneficionan valioso di ta miembro di Interval Platinum®, cu ta duna nan opcion di intercambio flexibel y servicionan actualisa.
“Divi Vacation Club ta un cliente strategicamente importante pa Interval desde 2014,” Marcos Agostini a bisa, vice-presidente mayoritario di desaroyo di negoshi global na Interval. “Caribe ta e destinacion di biahe number un pa miembronan di Interval fuera di Merka, y e resortnan oceanfront di Divi ta brinda nan un experiencia vacacional excelente. Nos ta orguyoso pa amplia e relacion di largo plaso aki.”
“Interval International a keda un bon partner,” Joe Malone a bisa, director di vacacion di propiedad di Divi. “Nos a haci inversionnan significante pa sigura cu miembronan y invitadonan ta gosa di vacacionnan inolvidabel. E ofertanan excelente di resort y beneficionan di Interval ta riba mesun liña cu expectativa di nos miembronan, y miembresia di Interval Platinum ta duna
nan beneficionan duradero pa realisa nan experencia. Nos ta masha entusiasma pa sigui colabora cu e team dedica aki mientras nos ta sigui amplia nos negoshi.” Divi Vacation Club ta brinda amplio diberticion y relahacion pa famia y adulto den destinacionnan Caribense di klas mundial. Villa y suite espacioso ta brinda alohamento di luho cu comodidad di cas. Invitadonan por experencia un variedad di actividatnan recreativo, manera relaha riba playanan di santo blanco, explora mundo submarino, caminata den parkenan nacional, gosa di deportenan di awa, pasa un dia na spa, of hunga na un di e varios camponan di golf cu bunita paisahe.
-mas-
INTERVAL INTERNATIONAL TA RENOBA UN ACUERDO DI LARGO PLASO CU LIDER DI MERCADO DEN CARIBE – DIVI VACATION CLUB – Pagina 2
Cumprado nobo lo ser incorpora como miembronan di Interval Platinum® y lo gosa di acceso na varios beneficionan actualisa, incluyendo Interval Options®; cu e posibilidad pa uza punto pa estadia na hotel, crucero, of biahe pa experencia; ShortStay Exchange® pa un fin di siman largo y vacacion na mita di siman; asina por spaar riba vacacion Getaway; descuento riba restaurant y entretenimento, prijs preferencial pa haci reservacion di hotel; y VIP ConciergeSM, pa asistencia personal, 24/7.
Tocante Divi Vacation Club
Pa medio di nan socio Divi Resorts, kende ta e experto di vacacion den Caribe pa mas di 50 aña, Divi Vacation Club tin un variedad di resortnan di calidad halto riba e cuatro islanan impresionante di Aruba, Barbados, Bonaire, y St. Maarten. Pa mas informacion tocante Divi Vacation Club, bishita www.DiviVacationClub.com.
