Te 30 di ougùstùs 2024 bo por inskribí pa un stènt pa
bende kos Dia di Boneiru. E aña akí e parti kultural ta tuma lugá na Plasa Wilhemina.
Kiko bo por bende?
Manera tur aña esnan ku ke por hür un stènt pa bende diferente kos. Esaki por ta:
Kuminda
Snèk
Bebida
Opheto di arte
Wega di karta ‘Bon kuné'
Wega pa mucha
Unda por inskribí i kon?
Bo por inskribí ònlain na https://bonairegov.com/pa/formulario-inskripshon-dono-di-stent-
riba-dia-di-boneiru. Bo por pasa inskribí tambe na ofisina di SKAL, Kaya E.C.Craane na
Playa Pabou. Inskripshon ta sera 30 di ougùstùs 2024. Organisashon i hende ku ta
inskribí na Boneiru, ta haña preferensia pa hür stènt.
Pago
E preis di hür di stènt ta dependé di loke bo ta bende. Na
https://bonairegov.com/pa/formulario-inskripshon-dono-di-stent-riba-dia-di-boneiru, bo por
wak e tarifanan pa diferente produkto ku bo por bende den e stènt. Bo por paga e hür na
ofisina di Asuntunan Sivil, Kaya Neerlandia 40, riba kuenta di ‘Volksfeesten.’ Despues ku
bo a paga, bo por bai SKAL ku bo muestra di pago pa haña aprobashon di bo petishon.
Djaweps 1 di sèptèmber 2024 ta e delaster dia pa mustra bo muestra di pago.
Kanselashon
Den kaso ku kanselá hür di stènt, hürdó no ta haña e suma pagá bèk.
Inskripshon pa stènt pa dia di boneiru
