25 di september proximo lo ta dia pa para keto riba e prioridad nan di pone SDG prome den nos comunidad y su efectonan positivo y sostenibel pa nos pueblo. Con leu nos ta para den e formacion di e pilarnan di SDG’s, ta bon pa para riba e punto aki pa wak unda nos mester por duna un man.
SDG’s of miho bisa Sustainable Development Goals ta e tratado nan y 17 pilarnan cu ta wordo enfatisa door di Nacionnan Uni 17 pilarnan aki a wordo traha pa asina paisnan por traha hunto y canando e mesun stap nan y crece den e mesun area nan pa asina nos tin un mundo mas igual y un mundo unda nos tur ta haya e mesun oportunidad y necesidad nan pa hiba un bida stabiel.
Aruba formando parti cu Hulanda y nan conexion cu Nacion nan Uni a dicidi di bay na acuerdo cu e 17 pilarnan, Na Aruba nos ta conta cu Sra. Joselien Croes como presidente di comision den e area aki pa Aruba. Aruba tin diferente area 17 pa ta exacto cu mester wordo constantemente controla y ekipa pa asina nos como pueblo tene nos mes na e 17 punto nan concerni.
Un di e 17 punto nan aki ta articulo 9 cu ta: Industria ,Innovacion e Infrastructura, cual den bista di local y turista ta un punto unda Aruba por haci hopi mas. Pa duna un ehempel ta e sanidad di nos area di hotel y turista, unda ta laga di desea e cu e holonan menos agradabel cu nan ta keda enfrenta door di e problema grandi cu nos planta di awa den e area di hotel ta enfrentando y e estado cu e ta aden awo.
sanidad y e prioridad di mantene nos pais limpi y cu holo agradabel ta wordo grandemente dividi. Nos por wak e conscientisacion y tambe un proyecto cu lo ta awo mas serca di nos en nos bario cu ta TrashtoCash en conexion cu Ministerio di Minister Ursell Arends a bin cu e proyecto “Limpi-Limpi” unda lo tin den bario nan di Aruba e posibilidad di deshaci di diferente articulo nan cu bo persona lo por tin den bo cura of cas, un proyecto cu claro ta di aplaudi. Pero manera ta stipula tin diferente area di sostenibilidad, Sanidad, Innovacion y Infrastructura cu mester traha hunto pa un cambio. Corda wak e dia cu e bakinan aki lo ta den bo bario y deshaci di bo sushi sanamente y totalmente gratis.
Sanidad di nos pueblo por cuminsa cu nos mes como hoben y adulto. Nos como ciudadano nan di nos Pais mester percura cu nos por y ta mantene nos area nan limpi y haci di nos banda pa mantene nos barionan sano y limpi di articulo nan malo pa nos medio ambiente.
Como hoben nos tin e prioridad di mantene nos Pais limpi pa nos futuro ta uno sostenibel y duradero. Para pa innovacion nan y proyecto nan cu efectonan nan positivo, y cuestiona cosnan cu nos no ta wak movecion aden ta un responsabilidad cu nos tin pa cu nos futuro.
