Infrastructura di Aruba no ta duna espacio pa turistanan den rolstoel ta sigur

Aruba ta un Pais hopi desaroya, pero realmente nos ta positivamente desaroya na e manera corecto?. No ta for di awo y no ta cu e gobierno actual, pero gobiernonan cu a sinta tur a papia di trece un infrastructura miho pa personanan cu ta den rolstoel di  un manera of otro. 

Sinembargo no ta solamente  ta pa e comunidad cu ta biba aki na Aruba so esaki ta necesario, pero nos turistanan cu ta bishita Aruba ta pasa momentonan dificil na momento cu ta trata di turistanan cu ta den rolstoel cu no por yega facil y sigur unda cu nan mester yega debi cu e infrastructura no ta esun di mas corecto pa nan por pasa den nan rolstoel, ta papia aki mayoria biaha di personanan di edad cu ta bishita nos isla. 

Pa aña nan largo a papia cu e infrastructura mester por brinda e grupo di personanan aki e facilidad pa por yega unda nan mester yega, pero e realidad ta otro si mester mira e infrastructura di Aruba. Den pasado a purba di trece cambio , pero te dia di awe nada mas no a wordo haci den e area aki, sinembargo por tuma nota con turistanan memey di caminda mester cana y pasa paso e infrastructura di Aruba no ta duna e facilidad  pa nan por haci uzo di dje y ta safe riba caminda publico. Esaki sigur ta un punto cu mester tene cuenta cu ne y sigur mester bin un plan pa Aruba su turismo y su hende nan por ta sigur riba caminda publico y cu auto no por alcansa nan.