Indicacion cu incendio grandicimo na Grecia ta intencional

Segun e brigada di bombero local, e candela na e isla Griego di Rhodes por a wordo cuminsa deliberadamente dor di piromanonan.
E candela, cu a cuminsa diamars 18 di juli a causa cu mas di 30 mil persona a wordo evacua for di nan cas, haciendo esaki e evacuacion mas grandi cu a yega di mira na Grecia segun autoridadnan. Miles di turista a ser obliga pa huy, urgiendo hende pa no biaha pa e areanan afecta di e pais.

Diadomingo anochi vocero di e brigada local di bombero a bisa, cu bombero na e sitio ta kere cu e candela a wordo causa deliberadamente y cu tin “indicacionnan di candela intencional”.

“Hende a sende e candela, e investigacion ta den full swing y na momento cu tin mas información lo haci anuncio di esaki” vocero di departamento di bombero Vassilis Vathrakogiannis a indica na medionan local.

Photo: Boletin di Tempo