Indebon ta introduci evento di BMX y baiskel pa mucha

Na Boneiro e siman aki tin un oferta amplio di evento di baiskel pa mucha bou di e number Bonaire Bais Fiesta 2023’, di cua e instituto di deporte Indebon ta un co- organisado. Riba dialuna tin un clinica di baiskel na Rincon, banda di Stadion Antonio Trenidad. Mucha for di grupo 7 ta bon bini for di 16:00 or te 19:00 or pa participa na e evento. Participacion ta gratis y no ta necesario pa inscribi.

Riba diamars tin un clinica banda di vèlt Rudy Boezem na Nort’i Saliña y riba diahuebs na Centro di Bario Amboina, tur dos ta tuma luga for di 16:00 or te 19:00 or. E clinicanan ta trata di les den habilidad di core baiskel. Riba diabierna tin ‘soft opening’ di e Urban Park na Jong Bonaire, caminda ta invita tur mucha for di 15:00 or te 19:00 or pa un encuentro festivo di baiskel pa test e parke.

Ta cera e siman riba diasabra cu un Funrace MTB na Yato Bako pa 16:00 or. Esaki ta un evento di baiskel pa grandi y chiki y e ta keda organisa den colaboracion cu Bonaire Baiskel Club y Bonaire Xtreme. Durante e actividadnan ta obligatorio pa bini cu un helm, relaciona cu siguridad. Ta permiti pa bini cu un propio baiskel, pero esaki no ta necesario. Indebon ta pone baiskel disponibel.