Ta Increibel pa kere cu publicamente gobernante, parlamentario y sindicato ta bisa e hende nan ilegal aki ta trahando caba na Aruba, acaso e ta corecto? E ta normal? E ta legal? E ta permitibel? . Absolutamente cu NO , pero e ta sosodiendo si , kico a haci pa preveni esaki ?
Con nos ta cuminsa si nos mes un hende nan no ta para pa integridad y nos leynan na Aruba. Awo sea ta comerciantenan stranhero nos tin cu ta dominando e area aki cu no sa di nos leynan of cu kier pasa ROND di nos leynan cu bendicion?, ya caba unda nos ta mira cu e poder nacional ta kedando influencia door di comerciantenan stranhero caba. Kico realmente nos como Arubiano kier pa Aruba y nos hendenan legitimo si nos sigui bende nos patria y cosmetisa nos patria pa stranhero, dies pa kico ? placa pa un momento ?
Cada hotel y cada doño di trabou cu tin un ilegal na trabou ta cometiendo actonan ilegal na pais Aruba, unda e control ta ? ken ta parti boet pa preveni e operacionnan aki ilegal? Integridad pa ken?
Banda di esaki ta papia cu cifranan di desempleo ta bahando esaki ta significa cu cada hende cu ta biba riba e isla aki tin un trabou, y esunnan cu no tin trabou a haci un analisis dicon nan no tin un trabou?
No ta for di awo pero for di basta tempo caba e cultura den area laboral a cambia drasticamente paso inversionistanan di afo ta bin cu KIER. Nan ta bin inverti na Aruba cu KIER. Kico kiermen cu esaki?, tin local nan Arubiano y inmigrantenan ta busca trabou na Aruba, pero debi cu nan KIER nan hende nan di afo bin ta gaña tuma e Arubiano y of no Arubiano inmigra cu papel pero ta practica abuso laboral cu local nan no ta permiti y ta bandona trabou, pero debi cu nan ta bin cu nan propio hende nan di afo ta crea un sistema di poder riba e ser humano cu nan mes ta manda busca di afo y asina Aruba ta keda yena sin fin.
E practica aki nos a conoce sigur na dos hotel na Aruba. Kico tabata e resultado di esaki? A haci cambionan pa nan respeta nos leynan? A haci un investigacion dicon y pakico realmente e local nan no ta solicita , of ta solicita pero ta keda dies algun luna?
Un di e factornan sigur ta salario, a traha riba e parti aki? Of sclavitud den bachi moderno ta keda practica constantemente na Aruba ?.
Sistema laboral sigur un sistema cu mester di hopi atencion, pero kico ta un miho maneho pa ARUBA. Nos mester un maneho fuerte directo y cu mester keda respeta.
Lamentablemente por scucha tanto e mandatario di enseñansa y di labor ta indica cu hopi alegria cu tin enseñansa pa empleo, Kico realmente enseñansa pa empleo MESTER ta?
Un sosten pa sigui desaroya si kier bay padilanti, pero e no mester ta un vehiculo di estudio pa haya trabou, paso un certificado no ta un diploma. Nos ta papia cu nos kier calidad di hende pa duna servicio pero ta pusha pa bay tuma curso pa haya trabou. Ta kere realmente e ciudadano ey lo yega un dia na TOP cu nan curso y no un opleiding?
Ken nos kier gaña? Ta tristo pa mira cu a kita pa añanan largo huishoudschool y un JFK school cu ta specialisa e hobennan aki den nan tarea cu ta crea camarera diploma, ayudante den cushina diploma,cosedornan di paña dipolma,carpinte fini diploma, carpinte diploma, hardinero diploma cu ta oportunidadnan pa nos Arubianonan por a haya trabou den sector hotelero, principalmente pa e grupo cu no a caba scol halto y of ta special y of ta drop out, pero awe kier manda un y tur enseñansa pa empleo cu ta duna un curso y e personanan aki si nan no tin un vooropleiding no lo yega nunca un bida agradabel y na paz economicamente, paso nan lo keda paga menos na e mes un hotelnan aki paso no por demostra un diploma.
Kico ta loke nos kier logra cu henter e proceso aki cu ta un mentira pa subi nivel di bida di nos ciudadanonan na Aruba,pero na mes momento nos kier sigui laga mas hende drenta y esnan ilegal, legalisanan atrabes di Alternative legal pathway pa nan tambe bin tuma curso ? pa ken nos ta trahando realmente?
