No ta for di awo pero for di basta tempo caba Aruba ta confrontando cu retonan di taxistanan pirata y UBERnan illegal. Sinembargo no ta solamente e trabou cu nan ta eherce ta ilegal , pero mayoria di nan ta ilegalnan tambe cu ta riba nos isla. Nan tur ta biba mane ta legal nan ta , nan ta traha ilegal, Sali publicamente mane ta legal nan ta y ningun alma hudicial riba e pais aki ta vigila y of controla ningun hende riba e pida baranca aki.
E grupo di stranhero aki nan ta un cartel di stranheronan riba Aruba ,principalmente Venezolanonan y Colombiano nan cu tin nan cartel di taxi pirata cu tin e Mercado di nan poblacion na Aruba domina, miho bisa rasa ta yuda rasa, pero lamentablemente e Arubiano ta bringa Arubiano riba su mes pais.
Na mes momento e Arubiano cu ta paga tur cos y ta haci tur cos corectamente ta perde un Mercado door di e ilegalnan cu ta bay traha nan trabou cu comerciantenan cu ta duna nan trabou ilegalmente paso duna un illegal trabou ta strafbaar, pero ta e grupo aki minister di DIMAS Glenber Croes y ex minister Otmar Oduber kier legalisa bao di si nan pasa un test y cu “ si nan no tin nada hudicial cometi “ por haya tapijt cora y legalisanan . Unda e prioridad pa Aruba ta keda, unda e defensa pa Aruba ta keda of nos mester keda permiti pa keda golpia nos pais di e manera aki. Ki dia e politico realmente ta para pa Aruba?
Sinembargo ta parce cu aki na Aruba tur cos ta free for all y ta focus solamente loke cu e local nan ta haci malo y of robes y Aruba tin henter un economia ilegal cu ta drey riba e isla ilegalmente , un mercado cu no ta hiba e pais padilanti pero cada ilegal padilanti debi cu nan no ta paga nada na Pais Aruba.
Aki ta caminda cu no ta mira un accion y no ta mira boluntad politico y ni tampoco parlamentarionan haci algo pa Aruba , combati e cartel di ilegalidad aki na Aruba.
Den pasado tabatin diferente accionnan cu a tuma luga unda cu a constata diferente taxi/ UBER ilegal y e personanan tambe mayoria ta illegal cu a detene nan manda nan, nan pais , pero na mes momento ta drenta bek via boto, tin varios ilegal cu a keda deporta y ta drenta bek via boto y nan ta bek den nan funcion como taxi ilegal y of UBER ilegal. Un fenomeno cu ningun politico no ta tuma accion y tampoco parlamento no ta traha riba e parti aki con pa defende Aruba su status pa combati e ilegalidad nan aki riba e isla.
Sinembargo Minister Ursel Arends ta duna di conoce cu tin un taskforce cu lo ta consisti di DTP,KPA,OM , departamento di impuesto y diferente otro departamentonan di gobierno pa asina den un forma structural haci e control nan pa asina elimina y controla cualkier iregularidad den transporte publico, pero primordialmente pa loke ta trata transporte pirata keda combati pa asina no perhudica esunnan cu si tin permiso . Na mes momento e no ta perhudica tampoco e ciudadanonan cu ta haci uzo di tipo di servicionan asina aki unda cu seguro no ta cubri e hende nan cu ta den un auto di un ilegal. Pesey mes a institui e taskforce pa garantisa cu tin ordo y respet pa loke ta trata transporte publico.
Aunke cu minister di transporte ta duna di conoce cu e taskforce pa combati transporte pirata ta trahando, esaki no ta e indicacion cu tin. No tin informacion di cuanto detencion a tuma luga , no tin informacion cuanto taxi pirata a constata, solamente ta bisa cu tin, pero no ta mira ningun di e departamentonan aki cu ta forma parti di e taskforce realmente den accion.
