Den e siman aki Corsou tabatin e honor pa ta anfitrion di Internacional Civil Aviation Organization su reunion anual di hunta di directiva. Internacional Civil Aviation Organization ta un organisacion specialisa di Nacionnan Uni cu ta coordina e principionan y tecniconan di nabegacion aereo internacional. Banda di esaki nan ta responsabel pa planificacion y desaroyo di transporte aereo internacional pa sigura crecemento den biahenan aereo di forma safe y sigur.
Como e tema e aña aki tabata documentonan di biahe den forma electronico, Minister Hato a haci acto di presencia na inicio di e reunion pa duna un discurso y yama e participantenan bon bin na nos dushi isla Corsou.
