Caso IBiS, no cu tur e acusadonan, tabata den un sesion di Hof diaranson merdia pa un Regie-Zitting. Na final, no por a duna un fecha definitivo, pero si e luna den cual tratamento profundo lo tuma luga.
Paul Croes, Melony Croes Paesch, Rutmilla Martinus y Ninuska Nunez tabata den Corte, hunto cu nan abogadonan, mientras cu Jairo Wever y Robbio di Vecchia a wordo representa pa nan abogado.
Durante e sesion Presidente di Hof a puntra tanto e acusadonan y abogadonan si nan tabatin algo mas di agrega y si nan tabatin peticion. Por a compronde cu for di aña pasa caba tabatin intercambio di documento y pensamento riba e caso cu ta motibo cu a dicidi di pone e Regie-Zitting pa e ultimo detayenan.
Mas importante tabata pa Hof haya sa ki material mas tabata necesario y cuanto tempo cada partido tabatin mester pa e rekisitorio y defensa, p’asina e calcula cuanto dia mester pa tratamento. Na final a dicidi cu dia 23 di februari awo lo tin un uitspraak riba e ultimo decisionnan relaciona cu e peticionnan di defensa di Paul Croes pa scucha testigo y despues ta bay prepara pa tratamento di e caso den luna di september.
Corte di Prome Instancia a trata e caso aki na februari, 2019 y e mesun luna tabatin sentencia. Tabatin cinco vrijspraak y 18 envolvi den e caso a haya un castigo den forma di boet.
