Grupo ‘’Nos Kier Husticia’’ ta lanta para un biaha mas. Anthony Sneek conhuntamente cu Jeffrey Schuilenburg ta e prome nan cu a acerca ministerio publico pa investiga e diferente gate nan cu tabatin pendiente di gobierno anterior.
E accion aki no a cay na agrado di esunnan cu tabata den gobierno e tempo ey, pero asina mes a sigui padilanti y a haci un manifestacion dilanti di ministerio publico. Despues di e accion aki durante di e pandemia tabatin un situacion unda cu Hulanda tabata kier a propasa su mes bay dimas unda cu kier a pone tres Hulandes pa dicidi kico ta pasa na Aruba.
Sinembargo prome minister di Aruba Evelyn Wever Croes a demostra caba cu su curashi cu tabata inspirandor di e pueblo di Aruba unda cu di dia cu e la ricibi e landspakket e la bay parlamento y despues di parlamento e la bay Renaissance center pa asina papia cu tur gremionan y despues a sali pa Hulanda e mes un atardi unda cu a bisa Hulanda cu e autonomia di Aruba no ta na benta.
Pa sostene e decision ey grupo ‘’Nos Kier Husticia ‘’ a recauda mas cu 4 mil firma cu a keda entrega tambe na VNO su oficinanan unda cu ta manda e mensahe bon cla pa no mishi cu e autonomia di Aruba. Segun Anthony Sneef di Grupo ‘’Nos Kier Husticia ‘’ despues cu a haci entrega di esaki por mira su fruto tambe unda cu Hulanda a deshaci di e idea di bin pone tres Hulandes Europeo manda ariba Aruba.
Na e momentonan aki un biaha mas ta e momento pa bolbe lanta para mirando cu ta mira cu un inhusticia ta na caminda pa keda cometi y e inhusticia aki tin consecuencianan grave pa Aruba. Segun Anthony Sneek aunke cu hopi arubiano no ta mira e problema nan aki awo paso bo no por premire, e por tin consecuencia grandi.
Segun Sneek e huramentacion di un persona cu ta sintando den cua forma cu ta un castigo na KIA e ta bay sali malo na momento cu e noticia aki yega internacional. Sinembargo e islanan mas cerca principalmente esunnan cu ta papia papiamento ya caba tin atencion na Aruba y cu ta hari Aruba mirando cu e ley di Aruba ta permiti pa e huramentacion tuma luga.
Actualmente e grupo ‘’ Nos Kier Husticia ‘’ a cuminsa cu un accion di firma caminda lo bay pidi gobernador di Aruba Alfonso Boekhoudt na momento cu e ta bay huramenta e diferente parlamentarionan corectamente cu a core nan campaña y cu a haya nan votonan na un manera nechi, sin cu ta para den KIA ta grita den bashi.
Nos no mester lubida cu parlamento ta e organo di mas halto di Aruba y e no ta nechi pa Aruba tin un parlamentario cu ta acusa di corupcion y cu tin un investigacion riba dje unda cu tin 5 cargo cu nan ta investigando cu ta di labamento di placa, fraude, abuso di poder ect ect . E puntonan aki ta puntonan hopi grandi y grave y na opinion di grupo ‘’Nos Kier Husticia ‘’ mirando con Benny Sevinger su actitud di ‘’I dont give a damm’’ ta indica bo caba ya e tabata sa kico ta bay bin.
Segun Anthony Sneek di grupo ‘’ Nos Kier Husticia ‘’ na momento cu a haci inval na su cas e tabata sa kico ta bay bin y alabes por a mira un mike eman desafiante cu den caso di Paul Croes no a dicidi di pone Paul Croes riba lista, pero den caso di Benny Sevinger si a dicidi di pone Benny riba lista. E actitud aki ta pa desafia e constitucion,nos leynan, nos norma y balornan y desafia e moralidad di pais Aruba. Pa e motibonan aki un biaha mas grupo ‘’Nos Kier Husticia ‘’ a acerca conseho supremo electoral e dia cu Benny Sevinger a keda deteni.
Grupo ‘’Nos Kier Husticia’’ a acerca nan cu e preocupacion cu ta un bon ora pa conseho supremo electoral dicidi di kita Benny Sevinger for di riba lista. Segun Sneek aki tambe nan contesta tabata cu legalmente no tin nada cu nan por haci pa prohibi Benny Sevinger participa riba lista di AVP. Despues di su detencion por a tuma nota cu Benny Sevinger a haya un prolongacion di 60 dia y tabatin diferente otro personanan mas cu tambe a cay pa e mes un caso.
Te na e momentonan aki ainda Benny Sevinger ta deteni y awor aki e organo di mas halto di nos pais mester huramenta parlamentarionan cu ta personanan cu ta mester di ta e batuta y e bandera di nos isla, esunnan cu ta traha ley y legislacion awor aki mester bay dobla bay patras paso un persona mester bin den un van na boei y cu diferente polis rond di dje pa bin huramenta unda cu gobernador mester bay huramente si ami cu bo , e pueblo di Aruba no lanta para. Tin un accion di firma riba diasabra , diadomingo y dialuna y lo haya tur e grupo di ”Nos Kier Husticia ” na diferente rotonde y tambe na sede di MEP . E invitacion ta keda pa henter pueblo di Aruba firma pa mustra Hulanda y gobernador riba nan preocupacion pa huramenta un persona den KIA. Grupo ”Nos Kier Husticia ” ta kere cu ta hopi importante pa Benny Sevinger caba di resolve su problemanan y na momento cu e sali limpi cu hopi gusto Aruba ta acepta Sevinger bek den parlamento como un parlamentario.