Mr. Shurman Miliard bestuurslid di Hungateca a combersa tocante nan actividadnan andando y nan sede nobo cu ta Biblioteca Nacional Aruba. Tambe ta splica mas tocante nan actividad cu a tuma lugar dia 23 di September ultimo na BNA y kico tur el a encera.
Hungateca ta un fundacion nobo cu a cuminsa pa 2 aña caba brindando Aruba e oportunidad di por hunga cu mayor y mucha y tambe fia e coy hunganan aki y trece nan bek mescos cu bo ta fia un buki. Hungateca ta situa pa un tempo caba na BNA y ta habri 3 biaha pa siman cu ta Dialuna, Diamars y Diasabra tur e dianan aki nan ta habri pa nan servicio y diferente actividad. Hungateca tabatin den e fin di siman un actividad di poppenkast, unda nan a haci diferente actividad cu popchi y ta stimula pueblo di Aruba pa bin y comparti e desaroyo personal cu coy hunga y cera conexion cu muchanan atraves di hunga.
Hungateca ta acepta cualkier donacion di coy hunga, y tambe ta parti esakinan cu otro fundacionnan of camindanan manera Imeldahof of Casa Cuna cu porta tambe mester di esakinan. Si bo persona kier duna bo coy hunganan na Hungateca bo persona por pasa riba e dianan cu nan ta habri y entrega esakinan.
Por ultimo ta refleha riba nan conexion y samenwerking cu ta bayendo bon entre nan y Biblioteca Nacional Aruba.
