Fundacion Hunga Teca ta apoya y ta cana tras di e derechonan di mucha tocante di hungamento. Fundacion Hunga Teca pa 5 aña caba ta duna e servicio unda hobennan conhunto cu nan mayornan por bin y fia diferente weganan pa nan por hunga na cas y comparti como famia. Boardmember di Hunga Teca Shurman Milliard ta duna di conoce cu ta hopi importante cu un mucha ta hunga esaki ta link e cu diferente desaroyonan di e mucha. Na momento cu un mucha ta hunga e ta desaroya diferente habilidad nan y celebro. Hunga Teca a cumpli 5 aña unda cu a cuminsa na YMCE San Nicolas y awe e ubicacion ta na Biblioteca Nacional Oranjestad y ta hopi contento cu e samenwerking cu tin cu Biblioteca Nacional. Fundacion tin mas di 250 miembro cu ta personanan cu ta bin Hunga Teca pa fia diferente weganan pa asina hunto mane un famia na cas hunga y desaroya e nuclio familiar. Tur e trabaonan aki ta logra haci cu 6 miembro di bestuur y algun boluntario cu ta yuda e fundacion. Boardmember di Hunga Teca Shurman Milliard ta sumamente orguyoso cu por a keda crece tur aña pa asina sigui bay dilanti. Fundacion Hunga Teca ta haci diferente actividadnan pa mucha y e apoyo y conocemento kico ta e importancia pa por hunga ta importante. Banda di e diferente proyectonan cu ta haci cu diferente partnernan Fundacion Hunga Teca lo keda y sigui bira mas grandi.
Hunga Teca a cumpli 5 aña cla pa duna conocemento di e importancia di desaroyo pa mucha hunga
