ORANJESTAD, Aruba
Parlamentyario Endy Croes ta splika cu no ta tur cos cu ta briya ta “ORO”. Hulanda berdad ta un pais cu bastante rikeza. Hulanda ta conosi pa juda masha hopi pais rond mundo den diferente tipo di programa. Banda di esaki Hulanda semper ta para kla pa juda e islanan autonomo den Reino manera Aruba-Curacao y St Maarten. Awor mei mei di un Pandemia mundial unda tur pais ta pasando den un crisis di salud esaki tambe a afecta economia di paisnan enormemente unda consecuentemente e ajudo ta mas cu nesesario.
/// Hulanda su ayudo per capita ta esun di mas abou:
Di acuerdo cu un publicasion recien riba pagina 6 di Pan American Journal of Public Health por tuma nota cu Hulanda historicamente a brinda ayudo na islanan den Reino pero e ayudo ta esun di mas abou per capita den comparacion cu otro islanan Frances y/of Americano. Asina e reporte a ilustra cu Hulanda su ayudo per capita ta 500 us dollar. Francia ta brindando islanan Frances den Caribe un ayudo di 2900-3800 us Dollar per capita mientras cu Merca ta aportando na Puerto Rico cu 2500 us Dollar per capita y 1000 us Dollar pa Us Virgin Island. Pues e ayudo per capita( pa individual/ of pa cabez) den islanan den Caribe esun di Hulanda ta hopi pero hopi mas abou cu otro islanan.
/// Banda di ta esun cu e ayudo di mas abou e kier bay cu Bo autonomia:
Awor ta comproba cu Hulanda ta e pais cu menos ta duna sosten na paisnan den Reino como islanan den Caribe den comparacion cu Francia y USA. Banda di esaki Hulanda ta presta e ta prestando plaka na islanan cu mester paga esaki bek. Berdad e interest di 0% ta lokual ta hasie atractivo pero no por ta asina cu a cambio di esaki Bo kier laga islanan sunu. Hulanda kier Aruba acepta Leynan Hulandes pa asina Hulanda drenta hasi e trabou a cambio cu e ta presta Aruba un saco di plaka cu pueblo di Aruba mester paga bek. Esaki ta husto pa un actitud asina mei mei den un Pandemia? Awor ta publicamente conosi cu e trato desigual cu Hulanda den comparacion cu otro paisnan ta brinda na islanan den Caribe mi ta kere ta na su lugar pa Hulanda para keto un rato y ban sinta jega na acuerdonan husto pa henter nos comunidad. Tratando otro cu mutuo respet nos por jega na algo satisfactorio.
