probablemente no kier pensa riba Corona, pero algun sector na Hulanda tin miedo pa un ola di corona e aña aki. Sinembargo algun di e expertonan no ta prepara pa e situacion aki y ta mira cu probablemente lo ta bay tin un lockdouwn na caminda.
Mientras cu tin persona ta prepara nan mes pa haya sa kico nan lo bay haci riba Koningsdag, celebra esaki manera nan sa celebra normalmente , e coronavirus no a bay. Viroloog Ab Osterhaus a duna di conoce siman pasa cu Hulanda mester mantene nan mes informa riba e situacion di e virus. Ta posibel cu Hulanda lo por haya variantenan nobo. Loke cu ta premira cu den herft e virus por bolbe y si yega variantenan nobo diripiente Hulanda lo por pone medidanan nobo.
Hulanda no ta prepara pa ola nobo di corona den herft.
Den AD a keda menciona cu un ola di corona den herft no lo ta nada agradabel. Dicon ? paso aparentemente Hulanda no ta prepara pa cu esaki. Apesar cu minister Ernst Kuiper a mantene un cantidad di medida y a pone dos ley di corona.
Te na e momentonan aki ta trata di e variante Omicron cu ta suave y e no ta mucho di preocupa. E experotonan no ta preocupa nan mes cu Omicron mucho, pero sinembargo ainda ta keda hopi pa resolve den nivel politico si lo mester presenta un Pandemia atrobe.
OMT y virólogo Menno de Jong ta afirma cu un di e variante cu ta preocupa cu ne menos lo por trece problema sin cu ta spera. Omicron ta haci efecto na personanan vunerabel aunke cu nan a vacuna. Segun Xander Koolman economista di salud di Universidad probablemente ta bay tin un lockdouwn den herft si e situacion sali malo. Un di e problemanan cu tin ta cu tin falta di hopi verpleegster den CI, segun Koolman ta infatisa cu falta hopi yudansa den mundo di emergencia.
Loke cu tambe falta ta e structura nacional den e GGD y e finansas y no ta kere cu e structura no lo ta den practica den e temporada di herft, asina Anja Schreijer a duna di conoce. Anja Schreijer ta ex OMT y ex hefe di departamento di control di enfermedadnan contagioso na GGD na Amsterdam.
Tambe falta e urgencia for di ministerio di salud, unda cu tin un imprecion cu ta mustra “no yama nos” nos lo yamabo. E funcionarionan publico kier tin e control nan mes, mientra cu segun Anja Schreijer ta kere cu e conocimento ta den un RIVM,GGD of centronan academico.Metronews.nl