Hulanda no ta mustra di kier pone un decision tras di e comma, pa e islanan por hala rosea bek y cuminsa di nobo

Di tur e topiconan cu a trata na IPKO Hulanda, e tema di sclavitud tabata uno hopi pisa y cu a keda cu hopi pregunta atras. Hulanda no a expresa si lo haci algo riba esaki cu simplemente traha un museo y conta e historia di e daño cu nan a ocasiona e islanan, pero na ningun momento a papia cu lo compensa e islanan, haci nan liber di debe pa asina nan cuminsa un etapa nobo y fuerte. 

Hulanda no ta mustra di kier pone un decision tras di e comma, pa e islanan por hala rosea bek y cuminsa di nobo. Sinembargo tur e islanan ta trece e punto aki padilanti na varios ocasion mirando cu prome minister president di Hulanda Mark Rutte a bisa cu Hulanda ta extende nan disculpa di e pasado cu e Hulandesnan a ocasiona di sclavitud y na mes momento nan a bisa cu e no ta un punt pero e ta un comma y nos tur sa cu despues di un comma semper algo ta sigui. 

Sinembargo kico ta bin despues di e comma no ta cla pa yun di e pais nan y ni cuanto presion ta wordo poni pa e islanan haya mas claridad di kico ta bay pasa despues di e comma, e islanan no ta hayando un contesta riba esaki. 

Prome di juli ta 60 anja cu Hulanda a stop e sclavitud y ta spera cu prome Minister Rutte lo duna un statement pronto di kico ta e decisionnan cu ta wordo tuma despues di e comma. Tur e islanan den Caribe kier un contesta, pero St Maarten ta pusha hopi mas y ta indica cu na momento cu un pais a forma parti di historia di sclavitud unda cu su pais y su hendenan ta esclavo, ta kita di e pais e oportunidad pa e hende nan por a desaroya adecuadamente, esaki ta debi cu e pais ta cay den un rol unda cu e ta wordo mina unda cu e hendenan di e islanan no a haya e mes un oportunidad manera e otro hende nan di e otro paisnan unda cu nan si tabata biba y probecha di e ganashi di e esclavonan. 

Na mes momento a indica con rico e pais nan cu si tabata na cabes di e mina nan di sclavitud a bira hopi rico mientras e paisnan cu tabata victima di sclavitud no tin e mes un rikesa y desaroyo. E combersacionnan y discusionnan tabata basta fuerte y ta keda prominente tambe, Segun Misha Raymond di delegacion di IPKO Aruba. 

Loke cu ta bon cla cu un simpel disculpa y traha un museo pa conta nan historia di kico e hulandes nan a haci cu e islanan den Caribe lo no ta bay ta suficiente. Parlamento di tur tres pais ta boga pa haya mas claridad di kico ta bay pasa tras di e comma.