E negociacionnan cu Hulanda a hala hopi atencion, por a scucha cu parlamentario Miguel Mansur ta papia di interes abao unda cu Aruba ta perde yen di oportunidadnan pa haci inversion mas abao. Segun Presidente di parlamento e puntonan aki no ta cuadra cu berdad. Politica populista ta hunga un rol den tipo di expresionnan asina.
Actualmente e RAFT den e manera cu e ta na e momentonan aki no tin yun caminda para cu Aruba ta haya interes abao, siendo cu Curaçao si tine den e RAFT y Curacao dia cu e la drenta e la ricibi full kwijtschelding unda cu tur debe cu Curaçao tabatin a bira zero y Aruba no tin esaki.
Hulanda kier duna Aruba un RAFT pero na mes momento no kier duna Aruba un kwijtschelding of nada acambio y no kier yuda Aruba cu nada. Den bista di Hulanda Aruba mester tuma e RAFT y bay paga y aki ta caminda cu e gobierno actual no ta tuma esaki y no ta diacuerdo cu e trato aki cu Hulanda. Segun presidente di parlamento Edgar Vrolijk un di e puntonan sigur ta e salida, e salida cu Hulanda tin pa Aruba por sali for di e RAFT aki por bisa cu practicamente Aruba no lo logra esaki.
Un di e cambionan ta un cambio constitucional unda cu si no tin dos tercera parti den parlamento no por haci cambio. Actualmente Hulanda ta exigiendo cosnan cu ta kibra un Pais. Tur cos ta indica cu Hulanda ta traha di mala fe y kier kibra Aruba pa bin impone riba Aruba.
Cu e RAFT kiermen cu Aruba mes tin cu dicidi con pa ehecuta y Hulanda kier pone Aruba ehecute. Sinembargo aki ta caminda cu parlamento ta hunga un rol y si unabes cu parlamento acepta e RAFT asina aki y mande ta tweedekamer ta dicidi na Aruba y parlamento no tin nada di bisa mas.
Si acepta e RAFT mane cu e ta Aruba lo mester pase den e constitucion. Sinembargo Aruba no ta uni , politicamente Aruba ta separa y si mester bin cu e cambio constitucional aki y tin 11 cu ta sostene Aruba no lo logra tog debi e otro 10 nan ta vocifera cu nan no ta bay cu e cambionan aki y e otro politiconan cu no ta uni pa Aruba ta pone cu Aruba lo por haya un aanwijzing unda cu Aruba ta wordo horca y no por sali di dje mas.
Loke ta un realidad cu politicamente nos ta inmadura pa por logra un cambio asina. Segun presidente di parlamento Edgar Vrolijk esaki ta un di e ponencianan cu semper a bringa e parti aki, pero politiconan populista ta traha storia y informa e pueblo robes di e situacion real cu Aruba ta aden. Enbes di uni pa hunto como politiconan saca Aruba padilanti y nos keda baas den mes un cas , politiconan opositor ta hunga politica cu e situacion unda cu mañan nan mes ta keda perhudica y man mara cu no por traha realmente pa e pueblo di Aruba.
Click aki bao like y share
1 comment
[…] Source link […]