Aruba ta parti di Hulanda y statuto ta bisa cu nos mester yuda otro ora cu tin mester, den e caso aki Hulanda ta bisa cu kier yuda Aruba y Aruba kier paga Hulanda y Aruba lo bay paga Hulanda, esaki ta sin duda.
Den momentonan dificil nos mester yuda otro, pero esaki no kiermen cu nan mester abusa. Segun Prome Minister Evelyn Wever Croes Hulanda ta bay presta e placa na 3 % y e ora ta presta Aruba y kier cobra Aruba 6 % riba dje.
Esaki ta e motibo pa kico ta sigui na mesa cu Hulanda paso e parti aki ta un abuso y prome Minister Evelyn Wever Croes no ta permiti esaki sosode cu Aruba.
Segun Prome Minister Evelyn Wever Croes si di berdad Hulanda ta presta e placa na 3% y ta pone algo riba dje e ta aceptabel , pero cu ta dobel up e parti aki cu ta gana riba e cabes di pueblo di Aruba no ta husto.
E parti aki no ta pas den e relacion den Reino tampoco, y ta pe es motibo aki ta na mesa y ta papiando di e condicionnan cu ta riba mesa. Hulanda ya caba a expresa kico ta e condicionnan cu nan tin riba mesa y ta kere cu tin hopi tempo fructifero ainda pa papia cu otro y alabes tin confiansa cu lo sali afo di e situacion.
Loke cu mester ta bon cla cu Aruba no mester tin miedo debi cu asina aki negociacionnan normal ta wordo haci nos mester dies para y splica pa loke nos ta para pe y no dies give up y duna loke cu Hulanda ta pidi.
Aruba ta canando den e bon caminda, danki DIOS cu e recuperacion di Aruba ta den bon direccion. Si Aruba mester paga riba interes halto , esaki ta loke cu Aruba semper tabata paga caba, pero e condicionnan cu Hulanda ta pone nan mester ta rasonabel na dje tambe y esaki ta e partinan cu mester keda mas duidelijk riba mesa y yega na un acuerdo mutuo cu ta bon pa tanto Aruba y Hulanda.
Prome minister Evelyn Wever Croes ta garantisa pueblo di Aruba cu lo sali di e situacion aki na e miho manera posibel, un deal cu ta miho pa e pueblo di Aruba. Loke ta un realidad ta cu negociacionnan no tin un manera facil pa soluciona cosnan, pesey ta sinta na mesa y ta tumando tempo pa por yega na un miho deal pa Aruba , pero tambe pa Hulanda.
Prome Minister ta kere cu no mester bin panico y tampoco desunion, paso ta esaki ta loke kier crea den comunidad unda cu kier pa pueblo ta desuni , hala for di otro pa no ta riba e mes un liña paso e ora nan lo logra loke nan kier.
Na momento cu un pueblo ta mas uni mas trankil por keda, cualkier cos cu mester pasa mes , si acaso mester paga interes halto e no ta bay sali for di e saco di e pueblo mirando cu e placa ta saliendo caba for di esunnan cu no tabata paga belasting cu ta e bigfish nan cu awo ta bay cuminsa paga belasting. Asina mes tin varios empresanan y identidad cu no a paga belasting pa hopi tempo , aki ta caminda cu nan lo mester cuminsa paga belasting y cu esaki lo contribui pa Aruba por paga su debi.