Na Corsou tin un situacion hopi delicado, parlamentario Amerigo Thode ta duna di conoce cu Hulanda a pone den rapport di CPT cu e prizon di corsou no ta adecua y no por detene hende y laga nan cera den un edificio asina. Segun e parlamentario si mester compara e prizonnan na Hulanda cu esun di Corsou ta un mundo completamente diferente.
Porehempel awor aki na Hulanda 70% di e detenidonan nan mes ta traha den e prizon y na Corsou e ta 3% . Esaki sigur ta un situacion cu ta laga Corsou mal mira. Sinembargo na Corsou no tin e espacio ey paso no tin placa y no tin e profesionalnan suficiente na Corsou pa haci esaki.
Segun parlamentario Thode e edificio berdad no ta adecuado paso nos ta midi, no cu regio y awor aki cu e situacion di Prizon di Corsou nan mes ta bisa cu no paso mester tin e nivel cu tin na Europa. Esaki ta pone cu ta ilustra cu ta midi cu diferente midi.
E situacion aki ta incomprendibel paso Hulanda na momento di midi abo como persona pa bo moda di biba e ciudadano mester ta conforme regio , pero e otro puntonan si Hulanda kier pa ta conforme nivel di Hulanda, esaki ta simplemente paso ta Hulanda su nomber ta ser poni na Nacionnan Uni cu e ta viola derecho humano.
E rapport CPT ta bay hopi leu y ta pa e motibo aki mes Hulanda ta bringa pa logra tur loke cu tin den e rapport. Hulanda a manda placa pa pone hendenan den barak cu ta personanan cu hui y riba dje Hulanda no kier pa yama nan ilegal pero refugiado, pero si mester wak e bon na momento cu yama nan refugiado ta articulo tres ta drenta di statuto di Corsou cu ta Koningkrijksaangelegenheid, pero na mes momento e kier pone e peso riba Corsou. Segun parlamentario Amerigio Thode e balansa ta desproporcional y Corsou mester para duro pa echonan aki cu ta sosode.
