I am text block. Click edit button to change this text. Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.
Na Hulanda Polis a aresta shete sospechoso den un investigacion di gran escala riba trafico di hende y explotacion sexual, cu e victimanan ta hende muhe Sur Americano. Cinco homber y dos muhe a ser aresta. E sospechosonan tin entre 26 pa 45 aña di edad. Nan ta di Den Haag, Harderwijk, Wassenaar y Putten,asina Ministerio Publiko (OM) di Hulanda a indica.
Segun Ministerio Publico, esaki tabata un asina yama carrousel di prostitucion den cua e muhenan tabata wòrdu constantemente move y mester a traha na un otro luga cada biaha. E crimennan aki a tuma luga den e periodo di 1 di maart te cu 26 di november 2024.
Polis a ser alerta di e sospechoso despues cu dos trahado sexual a denuncia nan. Nan a bisa e team di prostitucion municipal na Wormer, Noord-Holland, cu nan ta wordo maltrata pa nan proxeneta, OM a bisa.
E investigacion a gana velocidad na mei despues cu a yega un reportahe di un robo den un parke di vacacion na Gelderland. Polis a haña tres muhe sin documento cu tabata trahando den prostitucion. Polisnan a haya un documento di identidad perteneciente na e proxeneta na e cas, hunto cu otro cosnan cu ta mustra riba trabou sexual.
E sospechosonan a ser aresta na fin di november den casnan di vakantie na Noordwijk y Biddinghuizen. Polis tambe a haña seis muhe di Sur Amerika den e cas. Varios di e muhenan aki a confesa cu nan tabata trahado di prostitucion.
Fiscal ta mira un homber di 31 aña di edad di Den Haag como e sospechoso principal. Segun e autoridadnan, e ta recluta hende muhe for di Sur America pa bin traha pa e y ta haci acuerdonan tocante reparticion di ganashi. OM ta considera dos sospechoso mas, un homber di 30 aña for di Colombia y un homber di 26 aña for di Harderwijk, como complementonan, cu a organisa transporte y cas pa e muhenan y a maneha e base di cliente y pago.
E otro cuatro sospechosonan, un muhe di 45 aña di edad di Wassenaar, un muhe di 31 aña di edad sin un residencia fiho, un homber di 32 aña di edad di Den Haag, y un homber di 33 aña di edad di Putten, tambe a hunga un rol di facilitacion den e trata di hende di e muhenan, segun OM.
Segun e Ministerio Publico Hulandes, e muhenan a wordo obliga pa traha largo oranan tur dia durante shete dia pa siman, den cua nan mester a comete actonan sexual. Tur siman nan tabata bay biba na un otro Ciudad.
E muhenan a wordo obliga pa entrega cualke placa adicional cu nan a gana. Esaki a tuma luga dor di menasanan na nan mes of na nan famia. E dignidad humano y integridad fisico di e muhenan a ser viola sistematicamente, e fiscalnan ta kere.
Segun e Ministerio Publico, e investigacion di e caso ta continuando y no ta exclui cu lo bay tin mas detencion.