Minister di Husticia Rocco Tjon a elabora riba e ley di LAFT for di ki tempo e la inicia. E ley di LAFT a inicia door di un koninklijk besluit (KB ) door di un mal maneho financiero di e gobierno di gabinete Eman (AVP) cu a haya esaki den pasado.
Segun minister Tjon na momomento cu e la tuma nota di un mocion y despues mira e KB cu Aruba a haya door di e mal maneho financiero ta increibel pa kere e actuacionnan cu tin awe den parlamento.
Tur cos ta net lo contrario na loke nan ta vocifera den parlamento. E KB cu Aruba a haya door di AVP ta mustra tur e tabelnan di deficit nan cu e maneho di Mike Eman a conduci na dje. Segun Minister di Husticia Rocco Tjon na 2010 Aruba tin un deficit di 189 miyon florin, 2011 un deficit di 325 miyon florin, na 2012 un deficit di 442 miyon florin, y te na momento cu e KB a bin den e aña ey tabatin un deficit di 335 miyon florin. Esaki ta contrario na loke fraccion di AVP ta vocifera den parlamento unda cu ta bisa cu nan lo a hiba un bon maneho financiero. No por compronde e pensamento aki di fraccion di AVP. E KB di 11 di juli 2014 tur hende por lesa na placa chikito di kico ta e maneho di Mike Eman a hiba na dje.
Sinembargo despues cu Aruba a ricibi un KB y cu e gabinete Mike Eman a bay diacuerdo cu un LAFT cu no ta constitucional. Despues cu Aruba a haya e KB y LAFT tampoco gabinete Eman no a hiba un bon maneho financiero.
Tur rapport cu e colegio di supervision financiero ta indica y literalmente ta papia cu e presupuestonan di gabinete Mike Eman ta consisti di cifranan irealistico y loke ta mas grave ainda ta den e KB ta papia di cosmetishe handeling, dus maniobranan cosmetico cu a haci pa por cera un presupuesto unda cu a presupuesta y proyecta crecemento nan economico irealistico y banda di esey a haci uzo di un supuesto apertura di refineria cu te dia di awe nos tur sa cu nunca no a habri, pero tabata maluza esey si pa por cera e presupuesto, esaki ta sin papia riba e otro puntonan manera rapport BO Aruba, di 1.6 biyon, di tur e placanan cu te dia di awe cu a wordo supuestamente presupuesta MFA San Nicolas cu nunca no a bin, 400 coordinadornan, por bisa un cantidad di disparate con Aruba a maneha bao di gabinete Eman e tempo ey.
E comunidad di Aruba mester ta na altura di e KB y ora lesa esaki por mira claramente cu e prome evaluacion ta in hilaridad.
Segun minister Rocco Tjon den pasado a yega di splica caba cu 2+2=4, pero den parlamento ta bay splica cu un nivel mas abao cu 1+1=2 pa por compronde cu ni kico cu haci na final di dia, ni cual Hulandes bisabo cu 1+1=3 cu un poco principio den curpa no ta bay diacuerdo cu esaki. Tur profesional y tur hende cu tin un memoria sa cu 1+1=2.
Segun minister Rocco Tjon den un di e reunionnan di IPKO Benny Sevinger a conta un storia unda cu Hulanda a obliga gabinete Eman parti Tulp, na momento cu a bay veiligheidsraad nan mester a bay lobby pa por haya votonan pa Hulanda nan a pone Benny Sevinger parti Tulp. Esaki tabata un situacion cu a molestia Benny Sevinger e tempo aya , pero Minister Rocco Tjon no por compronde cu na momento cu kier bin cu cambionan den un LAFT cu Hulanda a pone riba Aruba cu tur e consehonan ta bisa cu e no ta constitucional y cu hustamente mester bin cu cambionan y awo ta bin cu e cambionan pa trek e recht, pa asina salvaguardia e posicion di parlamento su bugedrecht y tog ta contra di esey. Minister di Husticia Rocco Tjon no por caba di compronde e reaccion aki di Benny Sevinger.
1 comment
[…] Source link […]