HRO den estrecho colaboracion cu Conseho di Minister pa nombramento den aparato gubernamental

Ministerio di Administracion, Planificacion y Servicionan (BPD) ta duna gran importancia na transparencia y integridad den e procedemento nan di nombramento di personal. Como resultado, E Ministerio ta  informa e comunidad tocante proceduranan relaciona cu peticionnan legal y e rol di E Organisacion y organisacion di politica di Recurso Humano (HRO) pa garantisa e procesonan aki.

Solicitud nan di posicion legal ta peticionnan formal di personanan interesa pa ocupa un puesto den un Direccion of organisacion particular di un ministerio. E peticionnan aki ta ser presenta na Conseho di Minister y ta forma un parti importante di e proceso di nombramento. HRO ta hunga un papel esencial den verificacion cu e candidato nomina ta cumpli cu e rekisitonan di trabou.

Esaki ta inclui evalua e graduacion nan, experencia y e educacion di e candidato pa e puesto. HRO ta traha den estrecho colaboracion cu e Conseho di Minister pa garantisa cu e nombramento ta tuma luga den un forma obhetivo y husto. Ta hopi importante pa enfatisa cu si e informacion cu ta ser duna den un peticion di posesion no ta cumpli cu e criterionan estableci of si e informacion cu ta ser duna ta insuficiente, e proceso no por sigui.

Complementa cu cuidou tur informacion rekeri y duna detaye cla y documenta den e peticion ta esencial pa garantisa un evaluacion completo y un oportunidad husto. Ministerio di BPD ta encurasha tur peticion  den gobierno pa atende e reglanan y rekisitonan establece pa peticionnan di posicion legal. Cumpliendo cu e criterionan aki cu cuidou y plenamente, e posibilidad nan pa un evaluacion rapido y exitoso y un posibel nombramento den e ministerionan ta aumenta.