Universidad di Aruba ta den un proceso, durante tempo e organisacion a cambia y tin hopi desaroyonan nobo lo tuma luga. Actualmente tin lesnan cu ta wordo duna mainta y atardi y esaki ta trece dificultad pa e studiantenan por parkeer nan auto, Universidad di Aruba ta na altura di e parti aki y lo traha riba dje.
Tambe ta bay tin un edificio nobo cu ta bay habri y ta consciente cu ta bay tin mas volumen di studiantenan cu lo bin Universidad di Aruba. Universidad di Aruba lo ta bay tin un hala mas unda cu lo tin un edificio nobo cu lo habri den e proximo lunanan y esaki a wordo traha cu e placa di Europa Development Fund.
Pa por a logra awe a cuminsa for di fin di 2002 unda cu e edificio cu ta patras di misa di playa a keda entrega na Universidad di Aruba. Mirando e desaroyo aki e berdad ta cu Universidad di Aruba a crece tanto den studiante, pero tambe den e area di duna servicio y programanan cu Universidad di Aruba por ofrece na Universidad di Aruba.
Patrick Arends Business Director ta na cabes di e proyecto aki y ta duna di conoce cu e edificio di Maria Convent cu a ricibi tabata un caminda unda cu e Soeurnan tabata biba y e ta un edificio bieu. Pa e motibo aki mes e renobacion ta hopi grandi pero e resultado ta hopi bunita. Segun Patrick Arends di Universidad di Aruba fin di e luna aki lo haya e edificio y lo cuminsa pone e mueblenan den dje y den e siman di 20 di mei lo e habri oficialmente unda cu lo haya bishita di miembronan di Europa Development Fund y gobierno di Aruba y stakeholdersnan lo keda invita pa asina por habri e edificio oficialmente y por cuminsa bay den funcion unda cu studiantenan cu cuminsa otro aña na Universidad di Aruba por haci uzo di e edificio nobo aki.