Hobennan cu obstaculo nobo den nan crecemento como persona y ciudadanonan di nos pais. Hopi hoben ta pasa door di fenomeno ‘nobo’ aki cu ta depresion of ansiedad. Na ken y con ta cierto pregunta clave pa por pasa door di esaki nan.
Na ken por apela pa ayudo den e area aki y na ki costo esaki lo bin. Prome ban desmantela depresion y con e por crece den nos. Depresion ta un estado mental unda bo persona ta sinti demotiva y sin speransa un sentimento cu ta tapa bo bista pa wak mas aya di cierto cosnan cu bo ta pasando den bo dia diario. E sentimento di depresion ta real y por tin efecto nan grandi y peligroso pa e bida concerni. Un obstaculo of mas bien un sintimento asina por afecta e persona directamente of e personanan rond di dje cual por causa mas problema den un hende su bida, e sintimento di ta su so y sin ken pa papia cu ne por crece y por tambe caba den algo lamentabel. Con pa preveni y con pa stop e causanan cu ta hiba un persona den area aki ta hopi dificil pa detecta pero si ripara nan por wordo evita.
Stress emocional:
Stress emocional por ta un di e causa nan di depresion y ansiedad bou di hoben. E stress mental di no por controla cierto aspecto di nan bida por cuminsa e base di unda nan depresion lo por sali. Stress emocional ta bin door di diferente cos, pa menciona un par ta scol y e cantidad di tarea, proyecto nan duna den e area di educacion, famia hopi hoben por pasa den un problema hopi comun aki na Aruba cual ta e problema social economico unda famia nan ta purba di diferente manera sobrevivi problema nan social y economico y purba balansa esaki,esaki nan por trece hopi stress pa un mucha y of hoben, peer presure nos por wak e problema di social media y e efecto nan social y mental cu esaki por bin cu ne e presion di por ta un persona renombra y conoci ta crece unda tin hopi hoben ta purba tene nan mes na cada tendencia y topico den e area di media cual tin hopi efecto nan negativo cu ne esaki nan ta algun di e problema nan cu por crece e stress emocional den un hoben of mucha cu despues por yega na depresion.
Abuso mental y verbal:
Hopi hoben por pasa den tur tipo di abuso mental of verbal unda nan persona por wordo personalmente ataca door di e manera con nan ta bisti, papia, siña, y anda cual por ta e comienso di un salud mental destrosa y ansiedad publico, ansiedad publico ta e sintimento cu niun hende no lo acepta of soporta ora bo sali di bo area confortabel. Abuso verbal por pasa na cas,scol,publico y deporte. Y ta esey ta hopi importante pa mantene e area nan aki safe di termento y problema, door di pone mas atencion como profesionalnan, nos mester wak con nos hoben y mucha nan ta actua y sinti den e area nan cu nan ta pasa tempo aden y atende problema nan di biaha.
Insiguridad:
Insiguridad tambe por tin su contribucion na e estado mental y fisico di un persona. Hopi hoben y mucha ta pasa door di e sintimento cu nan ta mucho yen of mucho flaco y unda nan por ta victima di termento door di nan fisico, hopi di nan por pasa den un momento unda nan ta haya tur hende cu nan ta wak den social media no ta di compara cu nan unda nan lo kier cambia nan manera di ta djis pa sinti nan mes bunita y acepta. Cambia nan manera di ta pa asina wordo acepta por tin diferente aspecto nan negativo pa nan salud den diferente area.
Por lo tanto nos por wak cu depresion y ansiedad por cuminsa den diferente manera y door di diferente cos, pero un cos nos mester sa ta cu nos tur ta diferente y ta pasa door di diferente cos pa haci nos mas fuerte y sigur den nos futuro. Tuma contacto cu e persona mas di cerca di bo caso pa bo por bay haya e ayudo sigur y fundamental.
Tin diferente profesionalnan, dokternan y psicologonan cu ta cla pa yuda. Papia cu un hende straño por ta dificil pero por tin hopi aspecto positivo cu ne, papia ta necesario pa esey portanan di diferente luga semper ta keda habri pa asina abo haya e ayudo necesario y adecua, semper tin e disponibilidad di busca un hende cerca di bo y pone bo confiansa den e persona pa asina bo por habri di bo estado mental. Un cos ta sigur pasa den algo asina bo no por haci bo so. Busca ayudo sea ta na doctor, scol of diferente otro trahado social ta un necesidad fundamental di un persona pa asina engrandece su siguridad y salud.
