Varios unidad policial a bay un restaurant na Cunucu Abou, eynan un homber tabata cometiendo destruccion. Patruya di Noord a yega basta lihe na e dicho luga. Na yegada nan a topa cu un homber den un boxer color blanco, e homber tabata bastante excita.
Na e sitio nan a compronde cu e homber aki lo a manda un keg di cerbes door di e glas di e warehouse, cu ta pertenece na e restaurant causando destruccion. Mirando e actitud di e homber y comportando na un manera agresivo a anticipa cu lo mester bay usa forsa bruto pa pone den boei. A pidi transportwagen pa mesora hib’e warda di polis.
Parse cu tur cos a cuminsa rond di 12:30 di merdia. E homber aki na boxer lo mester a entrega un Van colo Blauw cu e la fia na su doño original cu ta su amigo tambe parce.
Cada biaha e tabata gaña e doño cu e Van ta na un garage, debi cu mester a drecha algo chikito ariba dje.
Pero nunca esaki ta keda cla. Ariba dje, nan a mir’e ta core rond y hiba turista aki aya debi cu e Van O cu por transporta hende. Anochi a cera y e doño a core rond tira bista pa su Van. Den careda di 8’or pasa diabierna anochi e la localisa e auto na e dicho luga. Akinan a start un intercambio di palabra cu a termina den un bringamento.Tabata obvio cu e homber na boxer tabata bou influencia di un of otro substancia.
Durante cu e polis tabata hiba e homber pa e subi den e transportwagen e tabata bisa e homber(doño di e Van cu ta su amigo) cu e no ta bay denunci’e y pa despues e pasa cerca dje nan papia.
