Polis mester a bay un asistencia diabierna den oranan di atardi un persona a yega tur spanta na un cas pidiendo pa nan yude pa motibo cu su amigo ta den mondi y no tabata reacciona. Mesora a pidi pa presencia di polis y ambulance. Hopi lihe nan a yega na e sitio.
Den un mondi patras di Weg Sero Preto nan a bin topa enberdad cu un persona cu no tabata mustra di tabata duna señal di bida, mesora e paramediconan a cuminsa traha cu e homber pero sin resultado, e homber ya a fayece. No a keda nada otro di pidi pa presencia di dokter, recherche y departamente tecnico di polis pa haci e investigacionnan necesario.
Mientras cu recherchenan tabata haciendo e investigacionnan necesario, famia di e defunto tambe a cuminsa yega na e sitio. Mesora a pidi pa presencia di slachtofferhulp pa atende cu nan na e momentonan dificil aki.
Den careda di 7’or di anochi dokter Texier a presenta y a constata morto, despues cu autoridad a caba di haci e investigacionnan necesario, Shershe a transporta e curpa sin bida.
