Homber Haitiano deteni pa ladronicia di kabel di Aqualectra

Diasabra ultimo 2 di september 2023 alrededor di 12.43’or, Central di Polis a dirigi un unidad policial pa un adres na Kaya Elisha, pa duna asistencia na e personal di Trafico, Transporte Planificacion Urbano cu ta encarga cu mantencion di ordo (Handhaving) pa loke ta trata entre otro construccion ilegal.

Na e sitio polis a tuma nota cu e personal di VVRP a bin concentra kabelnan cu no ta usual cu ta wordo uza pa construccion di cas y cu e cabelnan probablemente ta pertenece na Aqualectra. Un personal di Aqualectra a reconoce e kabelnan aki y nan a keda confisca.

E homber sospechoso F.B. di 51 aña di edad nace na Haiti cu tabata na e sitio a keda deteni.A presente dilanti di un fiscal auxilia cu a ordena su encarcelamento pendiente di mas investigacion.