Aruba tin hopi problema social y esaki ta bin cu ne cu e parti financiero tambe. Si ta un persona cu ta gana salario minimo y cu tur e cosnan cu ta birando caro,ta situacionnan cu ta trece problema den famia. Tambe den e problemanan social e parti machismo hopi biaha nos ta bisa cu e ta algo cultural di Aruba y Latino America cu e homber di cas kier bishita diferente cas y e parti aki tambe ta hunga un rol cu e hende muhe no kier yiu. Sinembargo tin hende muhenan di awendia no ta focus riba tipo e parti di homber nan asina paso nan no kier un aventura pero nan kier un hogar y asina nan no kier traha yiu cu un hende homber cu ta cana bishita diferente cas no ta e miho voorbeeld pa famia.
Segun director di Wit Gele Kruis Gino Goeloe hopi biaha e muhe ta trata di scoge un hende homber cu norma y balor pa por traha yiu cu ne y forma un hogar unda cu mester respeta nan como un ser femenino, esaki tambe ta hunga un rol segun director di WGK.
E hende muhenan awor ta exigi pa nan keda respeta y esaki ta na su luga tambe. Segun director di Wit Gele Kruis Gino Goeloe banda di tur cos ta importante pa e yiu nace den un ambiente familiar. Sinembargo e respet humano mester keda y e ta hunga un rol tambe. Aunke cu e parti di machismo tey cu e hende homber cu kier bishita diferente cas no ta algo corecto, pero na mes momento e ta trece hopi problema social, problema familiar y malesa tambe.
Si mester wak e cifranan di CBS tin hopi persona cu ta traha den e parti hotelero cu ta gana un salario minimo y esaki tin efecto riba e economia y famia, pesey mes hopi biaha ta ripara cu e cabayeronan mester traha dos pa tres trabou pa nan por logra drey tur cos den nan hogar pa paga tur cos cu nan mester paga den nan hogar. Nos no por tapa solo cu un solo dede, nos tur sa cu tur cos a bira caro na Aruba y ta pone cu principalmente e personanan cu ta gana salario minimo ta biba hopi preta y ta traha otro solucionnan pa por logra drey e luna.
Aruba tin hopi problema social, Wit Gele Kruis tin un departamento cu yama mayor firme y aki ta caminda cu ta purba di yuda mamanan cu nan situacion y ta trata di guianan mas cu por. Tambe mayornan cu no tin trabou, of ta den adiccion e departamento di WGK ta purba di yuda e famia haya e ayudo pa nan por cria nan yiunan.
Na mes momento WGK kier keda motiva parehanan stabiel hoben pa haya yiu, e cifranan di baby cu ta nace ta di preocupa y esaki sigur mester bin cu solucion pe. Tin hopi pensamento nan riba mesa pero ta kere firmemente sinta hunto y wak kico ta demotiva parehanan di haya yiu y trata di trece un solucion pa cu e situacion.