Dialuna anochi prome cu 10’or polisnan a bay area di Paseo Herencia pa un homber cu lo a saca su parti intimo den baño pa un dama turista compaña pa su yiu menor di edad. Na yegada polisnan a papia cu casa di e muhe y e lo a splica nan kico a sosode den baño di un establecimento ey banda.
Parce cu e homber ya lo tabata bezig algun rato prome den area di Holiday Inn y Moomba.
Dilanti un tienda di e mall nan a bin detene e homber aki, cu aparentemente lo ta mesun homber cu den pasado lo tabata ofrece muchanan di skol placa pa subi den auto cu ne.
Mester añadi cu e homber tabata sodando profusamente, un indicacion cu posiblemente e lo a usa un of otro substancia cu a pone su sistema nervioso bay den “over drive”.
Polis a bay unda e mama cu a yiu menor di edad tabata pa tuma nan declaracion.
Agentenan a pidi transportwagen cu lo mester a hiba e homber Strandpolitie y tambe a bay over pa notifica e departamentonan concerni manera Slachtofferhulp y Jeugd en Zeden Politie(JZP).
