HOH ta anuncia e di 6th Island Wound Care Symposium 2023

Na Horacio Oduber Hospital tabata tin e conferencia di prensa pa anuncia e di 6^th Island Wound Care Symposium 2023, caminda lo conta cu un team di profesional y di specialista den diferente ramo di salud y tema di e mainta tabata ‘HOH semper tey pa educacion’. Evento lo cuminsa na September y por inscribi riba e website di Hospital.

E mainta aki a hiba palabra Charlaine Huntington Manager Communicatie & Marketing, unda el a duna bon bini na tur presente y a haci e introduccion di e miembronan di e hunta di directiva y di e specialistanan presente den e ramo di cuido medico na Aruba.

Gregory Croeze, MBA Lid Raad van Bestuur, a cuminsa na bisa cu nan tin un vision hopi simpel pero profundo. ‘Nos kier duna e cuido medico na tur hende, no ta importante di unda bo ta bin of ki raza bo ta’. E calidad no mester wordo afecta y pa yega na e vision aki cu ta consisti di 4 pilar hopi importante. E prome ta: hospitalidad na prome lugar, di dos ta e calidad cu ta hopi importante, y di tres ta pa ta financieramente sostenibel. E ultimo aki ta hopi importante pa por sigui inverti den equiponan medico y innovacion.

Drs. Jacco Vroegop Presidente di e conseho di directornan, a menciona con por yega na haya e calidad. Ta na su luga cu por conecta cu tur, pa forma un team cu tur e caranan den e mes un direccion y ta sigur cu ‘nos por brinda e miho atencion na e poblacion, y na nos turista’ y e parti mas importante ta e siñamento permanente. Con nos ta logra esaki? Via e formacion interno pa e personanan. Actualmente nan ta buscando curso pafo di Aruba, y aki mes ta organisa evento pa nos hendenan, pero tambe pa e hendenan di afo. E simposio cu ta ser organisa pa e proximo simannan ta demostrando esaki. Mester asegura cu nan ta tuma nan trabao hopi na serio y cu ta hopi importante pa nan por sigui siña, y sigui desafia bo mes pa aumenta e conocemento, acepta e innovacion y mustra cu e hospital ta hopi importante pa e poblacion, pero tambe e ta bay cu e ritmo di e nacionnan, cu nos ta lidernan, cu nos por ofrece un atencion di alto calidad y realmente por competi cu e atencion medico di New York, Amsterdam of Berlin.

Drs. Jacco ta orguyoso cu nos hendenan ta compromete di comparti nan conocemento. Y ta mustra di representa e miho mediconan, cu kier establece un bon hospital hunto cu nos, na e enfermeronan, asistentenan di doctornan, y tur esnan cu ta pertenece y cu tey pa Aruba, participa na un di e conferencia y lo por sigui comparti “nos conocemento pa asegura cu Aruba lo tin un bon Hospital”.

Prome Specialista cu lo presenta riba 16 di September 2023 y e prome simposio di intervencion di cardiologia na Aruba. Dr. Robert Dennert Cardioloog a bisa cu na 2018 a cuminsa cu e intervencion di cardiologia na Aruba y prome cu esaki tur pashent tabata wordo manda afo. Awo cu orguyo ta presenta despues di 5 aña e logro di duna e miho tratamentonan na Aruba. Esaki ta lo cual nan kier presenta riba e dia aki unda lo tin tambe diferente specialista di afo cu lo duna nan presentacion.

Drs. Yuri Casseres Algemeen Chirurg – Medisch Manager a menciona cu esaki ta e di 6 Simposio, aunke despues di dos aña door di e pandemia awo ta bek. E Simposio ta na un nivel internacional unda tin oradornan internacional cu lo papia riba e heridanan.  Lo elabora con pa trata e heridanan di pia pa diabetes, heridanan di bariga y tur otro sorto di heridanan complica. Esaki lo ta na Renaissance Convention Center y lo tin oradornan di Caribe, Merca, cu ta hendenan experto den e ramo di e heridanan complica, tambe lo trata riba e innovacion cu tin pa trata esaki. Actualmente na e centro tin entre 17 pa 20 mil consulta pa aña e ta un problema grandi na Aruba, pero como dokter ta orguyoso cu Aruba tin un center cu por wordo trata aki mes, y cu tin hendenan di afo cu ta bin pa ser trata aki nan. E Simposio riba e tema aki lo ta 28 y 29 September 2023.

Drs. Jacomien Aleman farmaceutico hospitalario (Ziekenhuisapotheker) a anuncia cu e cursonan di antibioticanan lo ser duna riba 13, 14 y 15 di octuber 2023. Actualmente tur cos lo draai rond di e antibioticanan, miho bisa, na e medicamentonan cu ta combati e infeccionnan, tambe e efecto cu por tin, como e efecto secundario, pero tambe ta trata di e diagnostico y tratamento di e enfermedad di infeccion. Tambe ta existi un parti importante di e curso culo trata ‘Resistencia na antibioticanan’, cu ta un problema mundial ya cu e bacterianan ta cada biaha menos sensible na e antibioticanan y e tratamento di e malesanan infeccioso ta cada biaha mas dificil. E curso ta dividi den dos, y lo ta na ingles. E prome parti no lo ta djis pa e proveedornan di atencion afo di hospital, pero por pensa den e mediconan generalista, e dentistanan, pero tambe e farmaceuticonan y enfermeronan, pero tambe ta bon bini pa specialistanan den enfermeria of otro profesionalnan den salud.

Drs. Rashidi Rellum Reumatolog lo ta un di e oradornan riba dia 16 y 17 di November 2023. Esaki ta trata di un conferencia dedica na e medicina interno general y na e reumatologia, unda lo trata diferente tema y e aña aki ta trata principalmente di hende muhe. Tambe lo papia riba diferente estudio cu ta wordo publica na nivel local. Y tambe lo wordo dedica na e comunicacion. E cooperacion entre dokternan specialista. Cada aña ta ser convoca dokternan y profesionalnan den salud di e otro islanan manera Corsou, Sint Maarten, Saba, Surinam y e peninsula, cu e obhetivo di mehora e atencion medico y profesional.