E siman aki Corte di Husticia di Sint Maarten a sentencia e sospechosonan DJEO di 27 aña y SOJR di 23, pa e tiramento cu a tuma luga dia 31 di december, 2020 na e club nocturno El Capitan na Sint Maarten. E condenanan impone tabata 20 aña pa O y 18 aña pa R.
Den e tiramento en cuestión, e victima MMGL a wordo tira for di lomba y WEJ kende a cora a ricibi varios impacto di bala. Adicionalmente, R. a wordo haya culpabel di asalto cometi dia 27 di september, 2020 y posesión di arma di candela y munición dia 23 di december, 2020.
Corte di Prome Instancia a conclui cu e tabata defensa propio, cu e sospechosnan mester a defende nan mes contra un atake sorpresa, ilegal, door di e victimanan GL y J na maart, 2020. E tempo ey Corte a declara nan liber relaciona cu e caso di GL y intento di asesinato di J.
Corte di Apelacion tabatin un sentencia diferente cu esun di Prome Instancia cu no tabatin nada di defensa propio. E hecho y circunstancianan treci door di defensa riba e base di e emergencia di defensa no tabata posibel. Pues no a keda demostra cu tabatin un accion cu a exigi cu nan mester a defende nan mes.
E conclusion ta cu no tabata posibel cu e victimanan GL y L tabata e agresornan y cu tabatin menasa di morto pa e sospechosonan. Corte tambe a bisa cu no ta posibel cu GL y J. tabatin arma di candela den nan poder na momento di e sucedido.
Corte a determina cu GL a core bay despues cu un discusión a tuma luga entre e sospechosonan di un banda y e duo GL y J. di otro banda. Despues di esey, a los seis bala den lomba di GL, kende a core bay. GL a ricibi cinco bala for di patras y no a sobrevivi e atake.
E momento cu GL a wordo tira door di e sospechosnan, J. a core for di e sitio. E sospechosonan a sigui su tras y a tira riba dje. E tambe a haya no menos cu 9 tiro for di patras, for di e sospechosonan, y dos tiro a desvía door di e chaleco antibala cu J. tabatin bisti.
Nan tin dos siman pa apela
Hof a descarta defensa propio den tiramento di lomba riba victimanan cu tabata huy
