Pais Aruba ta drei door di e entrada cu e ta genera den sistema di BBO. Si un pais no tin un entrada no por duna servicio y drei un PAIS. Un tempo a wak un politica cu a bisa cu lo bay elimina BBO, sinembargo e realidad ta cu no por kita e entrada di un PAIS. Aunke den pasado politiconan a bende nan mes cu nan lo elimina BBO , e realidad ta cu esaki no ta realistico.
Na Aruba tin BBO, na Hulanda BTW, Na Merca tin sales TAX y na Venezuela tin IVA , asina por keda menciona pais nan rond mundo cu ta paga un belasting, esaki ta entrada pa gobierno cu ta placa cu mester traha cu ne, segun Minister XIomara Maduro.
BBO a bin na Aruba na 2007 pa por cuminsa den belasting indirecto y e idea tras di esaki ta pa bay den un belasting indirecto so y tur locual cu ta directo lo cay afo. Porehempel un loonbelasting ta un belasting directo y e idea ta cu cada bes cu baha esaki te ora cu e no ta existi mas.
Segun Minister XIomara Maduro cu tempo a mira politica cu a keda haci cu lo bay elimina BBO. Berdad por a mira cu a corta e BBO den mita , pero na mes momento esey a pone cu finansa publico a sufri y na mes momento nan a bolbe trece bek y a yame un otro nomber BAZV y a haci un mercadeo su tras cu lo e ta pa e caha di salud y ta pesey a hacie e tempo ey, Segun Minister di Finansas Xiomara Maduro asina aki e politica a crea un historia, pero e echo ta cu si gobierno no tin un entrada dificilmente e por cumpli cu su debernan unda cu mester paga pa enseñansa, caretera, siguridad ect ect.
Gobierno di Aruba ta haya su entrada abase di e cobransa di BBO nan cu tin pa asina e por maneha e pais, BBO ta un forma di belasting. Sinembargo Aruba a traha riba un forma di BTW tambe cu ta mes un tipo pero e ta e mes un mecanismo con ta yega na e fondonan, pero tur Pais tin nan forma pa yega na entrada pa nan por drei e PAID.
