“Historia di Aruba su futbol – 90 aña di AVB”

Diaranson ultimo tawatin e premier di e pelicula documentario “Historia di Aruba su futbol – 90 aña di AVB” na The Movies @ Gloria. Na ocasion di e celebracion di su 90 aña, Arubaanse Voetbal Bond, AVB ta bai bek den historia y pa medio di e documentario aki ta conta su storia pa asina informa y educa e publico en general y e hubentud en especial, di e historia di futbol aki na Aruba.

Mester bai bek te na aña 1909, ora cu e prome team ta forma na Aruba, den e añanan cu ta sigui futbol ta sigui crece na Aruba, mas y mas hende ta practica futbol y mas y mas club ta lanta. Fraternan ta hunga un rol grandi den e desaroyo di futbol aki na Aruba.

Arubaanse Voetbal Bond mes ta keda funda na 1932, 90 aña pasa. Con importante ta pa como hungado di futbol, representa bo bario y bo club. Rivalidad a cuminsa y e rivalidad entre clubnan lo keda te dia di awe.

Aruba semper tabata tin hungadonan talentoso, den decada di añanan 50 y 60 Aruba a conoce un epoca glorioso, midiendo forsa cu paisnan grandi den e region aki. Di mes mester para keto un rato na e hungadonan grandi aki. Y nos clubnan tambe tabata exitoso, Copa Antiyano tabata hot y na dos ocasion e titulo di campeon di Copa Antiyano a bin Aruba.

Ora di papia di historia di futbol na Aruba, no por keda sin menciona LIFIDA. Un organisacion cu a yuda hopi hungadonan jong, forma nan mes pa despues bira hungadonan estelar, representando Aruba riba nivel di seleccion.

Tambe no por lubida refereenan. Refereenan ta importante den e mundo di futbol. Aruba a conoce hopi refereenan internacional, cu a dirigi weganan y torneonan importante. Esnan cu a dirigi e federacion, tambe tin un rol importante. Specialmente na momento cu Aruba a bira pais autonomo dentro di reino y AVB mester a busca afiliacion na FIFA.

Despues di Status Aparte, futbol na Aruba a conoce cambionan, clubnan cu a promove pa e division mas halto a cambia e paisahe di futbol, pero e clubnan di tradicion tambe a keda exitoso.

Futbol di Aruba tin un bunita historia pa conta, alabes mester ta agradecido na esnan cu a yuda forma e historia ey, tey pa conta e historia y pa asina e historia keda documenta pa futuro. Esaki ta e comienso.

Alabes como cu AVB a cumpli 90 aña, el a dicidi di scoge 90 hungado cu a destaca durante e periodo aki.

E criterianan cu a wordo uza tawata

E hungado mester a cuminsa hunga den e clase mayor di nos futbol prome cu 1 di januari 1986 cu ta e fecha cu Aruba a haya su Status Aparte
E hungado mester a hunga por lo menos 10 wega pa e seleccion di Aruba of 10 wega pa e seleccion di Antiyas Hulandes of un combinacion di 10 wega pa e dos seleccionnan aki, por ehempel 7 pa Aruba y 3 pa Antiyas, 2 pa Aruba y 8 pa Antiyas
Durante e añanan cu tawata tin periodonan di 3 of 4 aña cu no tawata tin weganan di seleccion a tene cuenta cu hungadonan cu a destaca pa nan clubnan
E hungadonan cu a cuminsa hunga y a destaca despues di nos Status Aparte lo tene cuenta cu nan ora cu AVB cumpli 100 di existencia

E 90 hungadonan ta