Histor Cultural, Linguista Mirto Lacle: Un anochi dedica na e islanan ABC

Na biblioteca Nacional a tuma luga un conferencia di prensa na unda cu linguista Mirto Lacle ta anuncia  cu na  Aruba lo tuma luga un encuentro literario cultural linguistico internacional. Ta haci esaki den cooperacion cu Biblioteca Nacional Aruba, Departamento di Cultura Aruba. 

Na e e encuentro literario cultural linguistico ta dedica na e islanan ruman Aruba,Boneiro y Corsou . Tambe lo tin invitadonan cu lo duna presentacion di charla, baile,canto, musica y hopi expresion. 

“Wini” Paulo for di Corsou no ta un persona desconoci pa Aruba lo presenta su tres  buki nobo di proverbionan cu ta un manera di expresion antes cu a yega na nos aki den Caribe tambe. Lo duna un presentacion di proverbio cu ta bin for di Africa pa Caribe y Caribe Hulandes. 

Lo expresa Mario Dijkhoff  su bukinan  den e encuentro literario cultural linguistico internacional  unda cu lo ilustra proverbio den imagen unda cu lo mustra for di Africa. Tambe historiado Boy Antoin cu lo papia di palabra nan vocablo nan cu ta keda uza na e tres islanan di Aruba , Boneiro y Corsou diferente pero cu e mes un significasion. 

Tambe lo ta presente Grupo di Baile Mardi Gras for di Corsou, bou direccion di Jacqueline Nicia y Rudmila Alexander cu lo deleita publico cu algun baile entre otro di caha di orgen, somontuno , salsa y tumba. 

Glenda Maria  Tromp-Geerman lo duna un cordial bonbini cu su caha di orgel yama Desiree cu dos tocado di wieri. Munye Oduber-Winklaar lo recita algun poema relaciona cu Conmemoracion 160 aña Abolicion di Sclabitud pa tur esunnan presente. Mirto Laclé lo duna un introduccion y recorido di Historia di Proverbio y Dicho.

Lo ta bay tin un programa amplio unda cu diferente artista lo bay expresa nan mes y relaciona e tres islanan y nan diferencianan. E encuentro lo tuma luga na Biblioteca Nacional Aruba prome di Juni  y lo cuminsa pa 6 or pa 9or di anochi.