E resultado di e rapport riba compensacion pa mayornan no tabata algo positivo pa kabinete Rutte III.
Miles di mayor a keda perhudica financieramente debi cu servicio di Belasting inhustamente a acusa nan di fraude cu compensacion pa cresh.
Gabinete ta tuma retiro pa duna un señal cu fayonan fatal asina ta keda tuma na serio. Naturalmente ta un paso simbolico pasobra eleccion ta aki dos luna. Gabinete kier a mustra cu nan tur ta carga e responsabilidad di fayonan cometi pa e servicio, segun analistanan politico. Cu gabinete lo cai tabata bisto for di ayera.
Partidonan di coalishon CDA, D66 y ChristenUnie a reuni diferente biaha riba e crisis. Diahuebs nan a bisa cu nan ta saca conclucion. Aparentemente Rutte no kier a duna retiro na su gabinete y hasta a pidi ministernan pa garantisa sosten di nan fraccion den Tweede Kamer. Basicamente nada lo no cambia sigur pa loke ta trata maneho di vacunacion y corona. E gabinete ta bira demicionario. Dies aki rato premier Rutte lo bay serca Rey Willem-Alexander pa entrega retiro. Cu esaki Rutte ta evita un mocion di desconfiansa cu lo a keda entrega awe den Tweede kamer.
