Jonathan Lake ta e coach principal di e hobennan di SV Dakota y a prepara e hobennan aki fisicamente y mentalmente pa e reto cu nan ta bay tin nan Saint Kitts. Despues di e reto cu SV Dakota tabatin den e ultimo campeonato a tuma un siman liber y despues a cuminsa cu e training nan pa prepara pa e biahe como delegacion di Aruba pa Saint Kitts.
Despues di un siman a reuni bek y a prepara diferente training nan intensivo pa prepara pa e weganan como delegacion. SV dakota den pasado a yega di participa caba den pasado unda Coach Abdul tabata head coach e tempo ey y a prepara e hobenan pa hunga den CONCACAF di 2019. E weganan internacional no ta un joke nan ta weganan hopi intensivo, serio y tin su nivelnan cu ne. Segun Head Coach Jonathan Lake e biaha aki su persona lo tin e responsabilidad completo cu e delegacion aki y na unda cu a cuminsa train duro y pa ayera diadomingo tabata e ultimo dia di training prome cu nan sali di Aruba pa bay pa e reto cu nan tin na e weganan di Concacaf Caribbean Club Shield na Saint Kitts. E hoben nan a sa di prepara nan mes y ta cla pa subi avion y representa Aruba dignamente.
Un danki tambe na nos sponsornan Apex, Amast, Kfc, Island’s Best Windows & Doors, CarQuest, Mr Muffler Exhaust Repairs, Solid Solutions Construction, The Coffee Table y Innova Architecture and Design cu ta sostene nos durante campeonato. Tambe na tur fanaticada y famia di nos hungadonan cu a y ta sostene nos durante ful e proceso.
Click aki bao like y share