ORANJESTAD,Aruba
Manera e situacion di coronavirus a cuminsa, AZV a ofrece su servicionan digitalisa na tur
su clientenan. Un cambio drastico pero no desconoci pa AZV. Ya pa algun tempo caba
tabata tin e idea pa mehora servicionan, entre otro door di introduccion di algun app nobo
y e opcion pa traha mas digitalisa cu e meta pa duna servicio mas lihe y conveniente na e
aseguradonan.
Servicio digitalisa ta continua
Hasta awor cu poco poco algun sector ta start bek, e servicionan di AZV lo continua
digitalisa (online). No tin nodo di bin na oficina di AZV. Un inscripcion of prolongacion di e
seguro AZV ta tuma luga digitalmente pa medio di comunicacion via e email
klantenservice@uoazv.aw Inscripcion of prolongacion digitalisa ta gratis.
Otro servicio
Pa clientenan cu no ta desea of no por haci uzo di e servicionan digitalisa, AZV ta ofrece e
opcion pa ‘servicio a base di cita’. Pa haci cita (afspraak) ta yama na number di telefon
5279972 of 5279996 of ta email na klantafspraak@uoazv.aw
Tuma nota cu inscripcion of prolongacion na oficina di AZV ta costa 35 florin.
Recomendacion
AZV ta recomenda pa sigui haci uzo di e servicionan digitalisa. Adicionalmente AZV ta sigui
invita tur asegurado pa download e AZV Aruba App y registra pa e digi-ZorgPas. Pa
informacion general ta yama e numbernan: 5279900, 5279972, 5279996
Pa cuido medico den exterior: mu@uoazv.aw Pa tratamento of medio auxiliar cu mester
autorizacion di AZV: mgv@uoazv.aw Pa pregunta tocante factura: dv@uoazv.aw
Pa pregunta di indole general: info@uoazv.aw Tambe aseguradonan por ‘chat live’ cu nos
via www.azv.aw of via FB page di AZV (mensahenan directo)
