Hansen Comandante Entrante di Forsanan Naval den Region Caribe Hulandes

Comandante  Walter Hansen ta e Comandante nobo di Forsanan Naval den Region Caribe Hulandes.  Den e funcion aki e ta tambe Director di Wardakosta Region Caribe y Comandante Task Force  4.4.  Comandante Hansen awe a tuma e batuta di General di Brigada di Infanteria di Marina, Frank Boots.

Boots a cuminsa 3 aña pasa durante un temporada tumultuoso, COVID-19 a hunga un papel grandi den esaki. E rol di Militarnan di Corsou a bira, tambe pa e motibo aki, cada bes mas importante, cu resultado di hopi solicitud pa asistencia. Apesar di cu durante ultimo 3 añanan horcannan real no a materialisa, na 2021 Boots  a guia e despliegue militar despues di e temblor na Haïti. E despliegue Hulandes a tuma luga dentro di un mision humanitario di asistencia di emergencia di Union Europeo.

E colaboracion cu e Paisnan durante ultimo 3 añanan tabata central.  Por ehempel, a establece acuerdonan  pa forma e Trayecto di Formacion Social na Aruba y Corsou. Tambe na nivel internacional a fortalece e Colaborashonnan pa pone aun mas enfasis riba accionnan impulsa pa informacion. Den esaki paisnan den region manera Colombia ta di gran importancia y durante e ultimo 3 añanan a tuma pasonan importante pa colabora cu otro na un forma mas intensivo.

Na 2022 Defensa y Wardakosta Region Caribe hunto a soru pa un aña cu a kibra record na capturashon di droga; un total di mas o menos 35.000 kilo di droga a keda intercepta. Ademas di e exito operacional aki durante e aña aki tabatin Velas Latinoamerica Curacao cu a hunga un gran papel; e pelicula ‘Invasie’ a keda graba, y e serie di Wardakosta a ricibi un  exito di audiencia internacional riba Nacional Geographics. E aña despues Cas Real a haci un bishita na Region Caribe,  cu un prome encuentro pa cera conoci cu Princesa Amalia. Durante e bishita special aki Defensa den Region Caribe Hulandes a eherce un rol importante tanto  den fondo como riba prome plano.

E Comandante nobo, Comandante  Hansen, no ta desconoci cu Region Caribe Hulandes. Durante su carera, Hansen a acumula hopi experiencia, tanto cu Defensa como cu aporte na Wardakosta den Region  Caribe di Reino Hulandes.  Eynan mes el a ocupa varios puesto, tal manera Comandante di e Cutter Jaguar di Wardakosta, Oficial di Estado Mayor  CZMCARIB, encarga cu operacionnan internacional anti droga, Hefe Operacional na Wardakosta Region Caribe Hulandes, y durante despliegue cu varios barco di patruya. Banda di esey for di Hulanda e tabata a Consehero di Maneho pa asuntonan di Region Caribe y Wardakosta.

Hansen lo sigui encamina e caminda  eligi pa su predesesor  pa mehoracion y renobacion di e Organisacionnan Defensa y Wardakosta.  Den esaki e ta esforsa su mes pa continua cu e colaboracion exitoso cu socionan strategico local y internacional.

Hunto nos lo sigui traha pa reforsa nos organisacion y cumpli cu e mision di e Comando di Forsanan Naval den Region Caribe Hulandes  y Wardakosta Region Caribe Hulandes.Boots ta bandona Defensa. E ta baha di su funcion cu pensioen adelanta.