Desde 4 di november 2020 Prome Minister Evelyn Wever-Croes a depolitisa e proceso di otorgamento di tereno y esey kiermen cu desde e tempo ey en adelante, terenonan cu wordo firma ta wordo firma na e departamento door di e director y un otro persona cu e principio di cuatro wowo. Pues dos hende ta revisa tur cos.
Den e mesun rosea e director Haime Croes a vocifera cu tabatin mas di 500 akte di personanan cla pa construi cas y/of planta, pero e akte no tabata wordo firma pa nan haya e tereno. Aworaki e proceso lo wordo agilisa pa cada persona por haya nan tereno.
Awe 2 aña despues nos ta para mesun caminda e director cu su cara di palo ta gaña pueblo di Aruba completo y tambe e mandatario concerni. Por a compronde for di fuentenan den departamento di DIP cu ainda e director ta pega cu peticionnan di 2012 y tambe cu varios hende cu tin derecho di haya un reservering riba un erfpacht 2012 ta wordo trata di manera willekeurig.
Pues aki director di DIP riba su mes ta tuma e decision y si e gustabo bo ta ok , pero si e no gustabo bo ta den problema. Cualkier ciudadano di Pais Aruba cu tin deseo pa construi un cas, tin derecho pa haya tereno pa construi nan cas y mescos ta conta pa esunnan cu tin deseo pa ricibi un pida tereno huurgrond pa por planta.
Pa locual ta trata terenonan comercial, prome cu firma e departamento lo mester consulta pa mira si e ta pas den e vision di Gobierno. Esaki tambe ta otro situacion cu a wordo priminti na 2020 cu hamas a tuma luga pues por a compronde cu nunca e director a manda e lista updated pa gobierno mira si e ta pas den e vision di gobierno.
Consecuentemente na Januari 2021 trahadonan di DIP a sali pafo y a dicidi cu nan ta bay protesta hunto cu nan sindicato debi cu nan no ta contento cu e maneho di e director Haime Croes.
Sinembargo no ta solamente e trahadonan di DIP ta malcontento cu e maneho di DIP , pero tambe e comunidad di Aruba. Edmundo Marlin di SEPPA a representa e trahadonan na momento cu nan a para pafo pa un ora y no ta descarta cu e protesta por aumenta.
Na momento cu a acerca e director di DIP e la duna un entrevista y segun director di DIP Haime Croes e por a tuma nota di un carta di SEPPA cu SEPPA a duna prome minister, pero su persona como director di DIP no a haya e carta aki y e la keda sorprendi supuestamente cu e accion aki y tampoco e no tin ningun problema cu e trahadonan segun director di di DIP mr Croes.
Consecuentemente na esaki varios persecucion a cuminsa di parti di e director contra e trahadonan. Cu mas di 1 trahado mester a busca nan derecho den corte y pues a logra gana nan caso pero e trauma mental cu e dictador aki a causa ta pone cu e persona nan no kier bolbe back na pia di trabou.
Na final di dia e director a laga sa e tempo ey cu “Bo no mester gustami e maneho di gobierno mi ta sigui” Na Februari 2021 den su desesperacion cu tur e problema nan interino e director ta duna di conoce di un rapport cu a keda traha hunto cu e trahadonan di DIP, y den e rapport aki ta poni tambe cu e departamento mester bira mas lihe un sui generis, buscando un poder absoluto pa por keda haci su mal maneho.
Gobierno kier a depolitisa otorgamento di tereno pero a crea otro monstruo ,Kico ta mas pio, depende di un mandatario cu ta busca bo voto cada cuatro aña of un funcionario cu lo por tin otro meta?
Si a kere cu esaki lo bay asina depolitisa, hopi lo a keda defrauda. Si di berdad e tabata depolitisa, no ta existi caso Avestruz, Flamingo. Y asina mes cu e tabata depolitisa a surgi caso Aloe cu despues a cambia di nomber( kukwisa) pa arte di magia, Y esaki tabatin di haber cu e director Haime Croes, nombra na 2018 pa hiba un maneho unda cu politiconan (mandatario) no ta mete. Solamente mester duna un relato mensualmente. Relato cu nunca e director a cumpli.
E maneho depolitisa a trece hopi dolor ora cu a cuminsa un investigacion na 2021 riba e maneho hiba di 2019 pa 2020, ora cu DIP tabata bou guía di Haime Croes.
Banda di e misterio aki di depolitisa DIP, na final di e prome gobernacion di Gabinete Wever Croes, finalmente a duna Haime Croes e apoderacion cu ta papia di dje den e maneho stipula na 2018. Pero despues ta resulta cu sin cu e tabatin e poder ey, el a haci hopi cos cu ta bay contra di e maneho stipula.
Esaki tabata motibo cu for di inicio di aña 2021 funcionarionan a cuminsa mustra nan malcontento pa e forma di proceder di e director. A papia di e violacionnan cu el a comete pa cu e maneho stipula y pa cual e departamento ta haya un mal nomber. Esaki tur por hiba na un solo conclusion cu ex minister Marisol Lopez-Tromp hunto cu apoyo di Haime Croes a firma centenares di ministeriele beschikking nan in strijd met eigen beleid?.
Un tristesa pa por mira cu ciudadanonan di e propio Pais aki ta destrui nan propio hogar, hogar di otro y hogar di nan propio famia y sigiente generacionnan. Awe Haime Croes ta tur spanta ya cu tur cos e la declara na OM contra ex minister Sevinger, siendo e mes a haci e mes un maneho , A firma non stop pa sernan keri , erfpacht overdracht van eigen belang, caso guyanes unda miles di m2 a wordo duna sin cu a cumpli cu Algemene voorwaarden en bepalingen op tijd y unda e aanvrager no ta e belanghebbende.
Nada diferente cu nos ta wak awe den caso avestruz. Lo ta pesey DIP ta completamente paralisa? E maneho di ex minister Sevinger ainda ta wordo practica bou di guia di mr Croes?
Kehonan entrega na OM pa belediging en laster unda mr Croes a gaña trahadonan di DIP spanta nan pa no yuda algun comerciante nan paso nan ta sospechoso di caso nan andando. Un situacion hopi lamentabel pa hopi comerciante cu a sufri e daño di e director aki. Pero for di Fuente nan di algun di e comerciante nan lo uni den e proximo siman pa manda un carta mas fuerte pa OM y pa asina OM por tuma duna nan contesta riba nan keho.
Vos di trahornan a bati alarma, Vos di pueblo a bati alarma, Vos di commercio a bati alarma, vos di juez nan a bati alarma, Departamento nan envolvi a bati alarma, minister nan a bati alarma. Ta spera cu awo cu Parlamento tambe e bati alarma cu accion por tuma luga y cu pueblo di Aruba por libera su mes di e malicia y coneccion di malisa di Haime Croes y Marisol Lopez Tromp den historia di terenonan na Aruba.