E situacion na Venezuela ta sigui di ta un preocupacion pa mundo. Aruba ta sigui e desaroyonan di cerca y ta preocupa specialmente na momento cu ta papia riba derecho humano. Lamentablemente te ainda e eleccion na Venezuela no a trece mas claridad y tampoco no a trece un trankilidad den e comunidad ainda y ta sinti e efecto na Aruba tambe.
Sinembargo na Aruba a inverti na fortifica fronteranan pa algun aña caba. Segun prome Minister Wevelyn Wever Croes gobienro a haya asistencia pa e programanan aki unda cu a ricibi 11 miyon florin for di Hulanda for di 2019 pa awo pa asina traha riba fortificacion do fronteranan di Aruba.
Segun Prome Mnister Evelyn Wever Croes Aruba su fronteranan ta fuerte y nan ta fortifica. Si Aruba mester habri frontera bek Aruba ta cla pa esaki aunke tin algun trabou pa haci ainda pero den liñanan grandi nos ta cla.
Sinembargo mester warda riba e situacion na Venezuela stabilisa su mes, pero nos no mester lubida cu nos ta parti di Reino Hulandes y Reno Hulandes ta parti di Union Europeo y nan ta asumi e responsabilidad di un posicion cu ainda nan no ta reconoce Nicolas Maduro como presidente tanten cu e no duna e publicidad y claridad di e actanan di e urnanan. E tema di Venezuela ta un tema delicado diplomatico unda cu diplomaticamente den relacionnan internacional y tambe den e teme di derechonan humano specialmente e preocupacion cu Aruba ta sinti.
Prome minister Evelyn Wever Croes ta pidi comunidad Venezolano na Aruba un poco mas di pasenshi pa e situacion na Venezuela stabilisa debi cu esaki no ta e miho momento pa habri e frontera debi cu mester warda e situacion politico na Venezuela stabilisa pa asina como Aruba por drenta den negociacionnan bek pa asina yega na concretisa e reapertura di frontera.
Sinembargo Aruba no ta den guera cu Venezuela pues no por mantene e frontera cera inlemitadamente, pero mester yega na momento cu mester habri e frontera bek , pero mester yega na bon palabracion.
Sinembargo e frontera maritimo a keda habri prome di mey 2023 basa riba bon palabracion y por tuma nota cu e ta funciona bon. Tampoco e no a trece e desaroyo economico manera sector comercial a kere cu lo e la trece, pero e ta habri y e posibilidad nan t’ey. Sinembargo e vuelonan directo cu Venezuela Aruba mester yega na bon palabracion cu Venezuela, pero pa awo esaki no lo sosode debi cu e situacion actual na Venezuela ta hopi complica.