Gustave Noul ta na Aruba un biaha mas. E biaha aki como invitado special di A.T.A pa actualisa su pintura di tur CEO’s di ATA. Tambe pa promote y prepara un gira internacional na 2024, cu e buki maternidad, den 4 lenga.
Nouel a entrega e buki, (cu tabatin apoyo di diferente artista local dinamico), na e actual directora di A.T.A, sra. Ronella Croes, pa yuda promote e gira internacional di maternidad .Despues di e start na Aruba, cu exposicion y workshops di e autornan, Zuleika Coffie y GN, lo ofrece e proyecto-modelo aki cu a cuminsa na Aruba, na tur parti di nos Reino.
Ademas di A.T.A su apoyo pa purba start na Aruba na Mei di 2024, e proyecto tambe por conta cu apoyo di Biblioteca Nacional di Aruba, Departamento di Cultura y mas actor importante, manera Universidad di Aruba y UNESCO y naturalmente cu apoyo di nos curator Arubiano Renwick Heronimo
Bonaire y Sint Maarten a mustra interes concreto caba pa sigui cu e proyecto maternidad, despues di Aruba.Ora Art Fair Aruba a tende di A.T.A cu GN lo ta na Aruba e temporada aki, di biaha nan a pidi GN trece un cuadra pa participa na Aruba Art Fair.
Un siman prome cu Aruba Art Fair a invita Nouel, ela completa un cuadra ‘quasi abstracto’, inspira pa un Fenomeno Cosmico, titula: “WOWO DI DIOS”. Un pintura abstracto, cu ta logra Harmonía perfecto den su Caos, den wowo di GN.
Tambe GN ta preparando proyecto di arte na Rancho, e parti mas historico di Oranjestad, hunto cu Zuleika Coffie y Mo Mohammed, relaciona cu celebracion di 200 aña Oranjestad na 2024…
Celebracion di 200 aña Oranjestad, tambe ta un bon oportunidad pa purba realisa e soño di crea un museo Arubano. Un soño cultural na Aruba, mas di 30 aña caba! Tin edificio potencial caba. Y awor tambe cu Anfiteatro y Círculo di Arte pa por apoya tur disciplina artistico na Aruba.
